Popular Bible Verses from Mako 4

Share

OYesu nʼaimuka nʼayamira ompungo, era nʼalagira ebinyege ati “Sirika, teeka!” Ompungo nʼasirika enyanja nʼeteekera kimwei. Awo oYesu nʼakoba abeegesebwa baamwe ati, “Lwaki mutiinire? Mucaali kubba na kwikiriza?”

Baitu bo ni batiina muno, ni bakobangana bati, “Oni muntu wa ngeri ki? Okubona nʼompungo yeena amuwura!”

OYesu yaali mu kifo ekya mabega omu bwato nabbasirye, niyeesagwire ekyesigato. Abeegesebwa baamwe ni bamusisimula, ni bakukoba bati, “Mwegesya, tokufaayo nga tukulika?”

Era nʼabakoba ati, “Mwegendereze ebintu byemuwura! Olulengo lwemukolesya okupimira abandi, nirwombe lulikolesebwa okupimira nywe, baitu nʼobwandi bwingi muno.

OYesu nʼayongera okukoba ati, “Obukama bwa Kanca bwisanisibwa omuntu asiga obusigo omwitakali. Abbasya obwire, nʼasisimuka emisana nʼayaba nʼakola ebindi, baitu obusigo obwo bumera era ni bukula natakumanya.

Ale muwure, nimwabba mukwendya okuwura.”