Popular Bible Verses from Esaburi 18

Share

OMWAMI njolwanda lwange, nundi esiiro yange, nundi omunanuli wange. Nyasaye wange, olwanda lwange, oyu nekisangamo, ekhumba yange, nundi olwika lwowuwonia wange, esiiro yange.

Nyasaye ono, engira yiye yiwumakho esikha. Endakaano ya OMWAMI yokhusuvirwa; ali ekhumba yavo vosi avekisa muniye.

Nanganga OMWAMI, owolanire okhufumwa, mana mbonisiwa okhuchula muvasiku vange.

Muwutinyu wange nalanga OMWAMI; Nalirira Nyasaye wange khulwa owuyeti. Kawulira omwoyo kwange nali mu Etemperi lilie, amaliro kange kolera amachwi kake.

Yee, ewe oambianga etaa yange; OMWAMI Nyasaye wange akhosanga musirima siange.

Nyasaye wumbaye amaani, nokhulomba engira yange yive nomulembe.

OMWAMI olimwoyo, afumwe oli olwanda lwange, nundi akingulwe Nyasaye wowuwonia wange