Popular Bible Verses from Yohana 16

Share

Nakhavawolera kano, mbo mwise munyole owusosi. Musialo muno mulikhuva nokhunyakhana, nausa mwetinye, nakhachisia esialo.”

Olu Roho wowung'ali kacha, alikhuvemirira muwung'ali wosi. Sikira sialikhuwola mumaani kake ta, nausa siosisiosi sialikhuwulira alikhuwola, nokhuchumbula khwinywe evinju viri khwicha.

Okhwola luno mucha cheva siosisiosi mulicha liange ta, cheve, ne mulikhunyola, mbo owusangafu wenywe wichule.

Ata kachio, vawolera owung'ali, wulayi khwinywe mbo njie, sikira niva mbo sinjia tawe, Omukeraki siali okhuvachira tawe. Niva njia, ndi okhumuchuma khwinywe. Ne nikakhacha, alikhwekesa esialo owoni nende owulungi nende ekhalakirwa.

Kho muverera evise vino, nausa endikhuvawona nundi nemioyo kienywe kisangale, nawumao olikhuwukula owusangafu wenywe okhuchula khwinywe. Enyinga eyo simulinjevakho siosisiosi ta. Ng'aling'ali vawolera, nimuchevakho siosisiosi khu Papa, alikhuvaweresa mulicha liange.

Ng'aling'ali vawolera, mulikhulira ne mwewutume, nausa esialo sirikhusangala, mulikhuverera nausa esiveera sienywe sirikhuva owusangafu.