Popular Bible Verses from Yohana 15

Share

Nise omusabibu, nanywe ninywe amasaka. Oyo otong'a mwise, nese muniye, njoyo owamanga amatunda mangi, nichasi ese, simunyala okhukhola siosisiosi ta.

Tong'e mwise nese mwinywe. Nga olusaka silunyala okhwama amatunda niluli lwong'ene, nausa lutong'e khumusabibu ta, ata mwesi, okhwola mwevikhe mwise.

Niva mutong'a mwise, namakhuwa kange kave mwinywe, cheve Papa siosisiosi esimwenya, ne muli khukholerwa.

Simwanjoola tawe, nise owavachoola ne navawula mbo muchie mwame amatunda ne amatunda kenywe kaindire; kho siosisiosi simucheva Papa mulicha liange, alikhuvaweresa.

Wuwumawo owusimi okhuvicha wuno, mbo omunju aane owulamu wuwe khulwa avecha vave.

Wuli lusaka lwange oluchama amatunda, aluchemanga, ne wuli lusaka lwama amatunda atetangakho evisaka, kho viame amatunda mangi.

“Lino njelako liange, mbo musimane nga navasima.

Khulwa kano Papa wange anyola oluyali, mbo mwame amatunda amangi, kho mwekese mbo muli avalondi vange.

“Nise omusabibu kwa ng'ali, ne Papa wange njomulimi.

Omunju yesiyesi ochatong'a mwise, alikhutupwa ngesaka ne kome, namasaka ako kawuswa, katupwa mumuliro ne kasambwa.

Evinju vino evawoleye, mbo owusangafu wange wuve mwinywe, ne mbo owusangafu wenywe wichule.

Nimulonda amalako kange, mulikhutong'a muwusimi wange, nga nalonda amalako ka Papa ne natong'a muwusimi wuwe.

Khanu elako liange khwinywe, musimane avene khuvene.

Muva vesialo, esialo siakhavasimire ngavasio, nausa simuli vesialo ta, nausa navachoola okhuchula musialo, njesikira esialo nisivaviyira.