Popular Bible Verses from Luka 6

Share

Haanenje, nineenywe mulaheebwa; eshichelo eshilayi, eshiikaarwe, eshisungusilwe, eshibumbilwe okhusundukha hasi, nolwa balachela mungubo tsieenywe; okhuba eshichelo shiene eshia muchelelangamwo, nishio eshia mulachelelwamwo khandi.

Omundu omulayi okhurula mwibiildlo lilayi eliomumwoyokwe arusinjiamwo ebili ebilayi; noyo omubii okhurula mwibiikho libii arusinjiamwo ebili ebibii; okhuba khulwa obunji obwomumwoyo omunwakwe kuboolanga.

Ne butswa heelenje abasuku beenywe, nimubakholela amalayi, nimubahosiakhwo ebindu nimurafwa emioyo ta; mana omukabo kweenywe kulaba omunji, neenywe mulabeetsanga abaana baOyo Ouli Ikulu Muno; shichila ye noweshisa khubamakalu nende ababii.

Mubeelenje tsimbabasi, shinga Seenywe olwa abeelanga tsimbabasi.

Ne murayaasinjia omundu eshiina, mana inywe shimulayaasibwa tawe; kata murabakhalachila eshiina, mana inywe shimulakhalachilwa eshiina tawe; bohololenje, mana mulabohololwa.

Nasi emuboolela inywe abahulilanga, mbu Heelenje abasuku beenywe, nimubakholela amalayi abamukiya; mubasaayile abamulaka eshilaka munwa, baheebwe ikhabi, nimubasabila abamukhupia khumabii.

Ne shinga olwa mwenya abandu bamukholelenje inywe, nineenywe mubakholelenje murio.

Oukhupaama oluseya lulala, omumanyie olundi naIwo; noyo oubukula likotilio, ne inguboyo eyomukari oramwima tawe. Omuheelesie buli mundu oukhusaba eshindu; noyo oubukula emianduchio, orachisaba khandi ta.

Shichila kubulaho omusaala kwosi omulayi okwamanga ebiamo ebibii, kata omusaala omumayaanu kurio okwamanga ebiamo ebilayi.

Shichila buli musaala kumanyishilanga khubiamo biakwo okwene. Shichila khubisisia abandu shibanokangakhwo amakhuyu ta, kata khumatsoyi shibanokangakbwo tsinzabibu tawe.