Popular Bible Verses from Yeremia 7

Share

Okhuba shindaboolela abakuuka beenywe kata okhubalaka, khunyanga eyo olwa ndabarusia mushialo shiaMisiri, khumakhuwa kemisango emisambe kata emisango chindi ta; habula lino nilio elia ndabalaka; mbu Hulilenje omwoyo kwanje, nasi ndalabeetsanga Nyasaye weenywe, neenyu mulabeetsanga abandu banje; muchendenje khunjila yosi eya emulaka, mana mukaasenje.

Nebutswa shibahulila kata okhureka amarwi ta; habula bachenda mubuchesihanii bwabwe abeene, nomubutinyu bwemioyo chiabwe emibii, nibakalukha inyuma, oburatsiililila imbeli ta.

Shichila nimuba nimukasilia elala tsinjila tsieenywe nebikhole bieenywe; nimuba nimukhalachilanga habwene amakhuwa hakari womundu nowashie; nimuba nimuramiinanga abarende, nabaana ababisandu, nabakhasi abalekhwa, kata okhwebeenia amabanga kababula eshikha habundu hano, kata okhulonda khubanyasaye bandi nimwichemela abeene amabii, ta; kho ndalamumenyia habundu hano, mushialo eshia ndaheelesia abakuuka beenywe, okhurula khale neinziayo.

Kano niko aka OMWAMI omwene mahe Nyasaye waIsiraeli, aboola; mbu Kasie tsinjila tsieenywe nende ebikhole bieenywe, mana ndalamumenyia habundu hano.