Popular Bible Verses from Isaya 9

Share

Khulweefwe omwana yeebuulwe, khuheelwe omwana omusiani; oburuchi nabwo bulabeetsanga khwibekalie, naye alakulikhwa eliira, mbu Omwibaali Wamakana, Nyasaye Wobunyali, Seefwe Wobumeli, Omukhulundu Womulembe.

Abandu abali nibachendanga mushiilima baluutsi obulafu obukhongo; abo abali nibamenya mushialo shieshiilima eshimali ti, obulafu bubaashiile.

Obumeeteshi bwobukhulundubwe nende obwomulembe bubula eshiakamo, khushifumbi shiaDaudi nokhuburuchibwe, okhushiralisia nokhushitinyisia nobukhalachi bwatoto khandi nobulunjishi okhurula olwa leelo okhuula khubisoni nebisoni. Obulumilifu bwOMWAMI omwene mahe bulakhola.

Okhuba tsiputi tsiosi tsiabandu abeeriitsilanga, halala nende ebiifwalo ebitabaane amatsayi, bilaba ebiokhusambwa, bilaba ebiokhulika omulilo.

Habula shililabaho lifumbi khumwenoyo owalinji mumasila ta. Olwambeli yachila eshialo shiaZabuloni nende eshialo shiaNafutali nibilekwa, ne mundaalo tsiolunyumakhwo alabikhola bibe ebioluyali, khunjila yeinyanza, injelekha weYorodani, niyo Galilaya yamahanga.

Winjiyiye abelihanga, obameeteele okhwikhoya okhunji; beekhoyanga imbeliwo shinga okhwikhoya khwelichesa, shinga abelihe olwa batsatsahalanga nibakabana ebiyaayilwe.

Okhuba likokolo liomusiikokwe, nende omutiichilo okwokhwibeka, nende indabushi yomusandiiwe, wabifunaache biosi shinga khunyanga yeMidiani.