Popular Bible Verses from Isaya 65

Share

Ne nibarashiahahaabila ta, ndalabahabila; khandi nibashiboola, ndalahulila.

Okhuba lola, enonga likulu liyia nende eshialo eshiyia; ne ebienebio ebialinjiho shibiieetsulwa kata okhupaarwakhwo ta.

Shibalanyakhana butswa, kata okhwibula khulwa amaraba, ta; okhuba nibo olwibulo lwa abo abaheebwa ikhabi nende OMWAMI, nende abaana babwe halala ninabo.

Shibaloombakha, noundi namenyamwo, kata shibalaraaka, noundi nalia, ta; okhuba shinga tsindaalo tsiomusaala olwa tsili, nolwa tsindaalo tsiabandu banje tsilabeetsanga tsirio, khandi abalobole banje baleekhoonyela ebiemilimo chiamakhono kabwe.

Shialabamwo khandi omwana omuhele oumala tsindaalo tsinduutu butswa, kata omukofu ouramalilisia tsindaalotsie ta; okhuba omwana alafwa namalile emiyika eshikhumi, khandi omwonooni oumalile emiyikachie eshikhumi alaba mushilaamo shiobubii.

Eshisuutse nende omusie kwelikondi bilaaya halala, khandi italanyi yilaaya obunyasi shinga ing'ombe; olufu nalwo lulaba ebiliibwa bieinzokha. Shibalatsuunia kata okhwonoonia eshindu shiosi mushikulu shianje shiosi eshitakatifu tawe; nolwa OMWAMI aboola.

Khandi ndalatsatsahalila Yerusalemu, nisangaalila abandu banje; ne omwoyo kwokhwikhuula shikulahuliilishilamwo khandi ta, kata omwoyo kwetsimbungu.