Popular Bible Verses from Isaya 35

Share

Abanunule bOMWAMI balachelela, nibeetsa eSayuni nibeemba; nokhwikhoya khwobumeli khulaba khumirwe chiabwe; balanyoola obusangaafu nende omwikhoyo, neshibeela nende okhushenya bilahwayo bwangu.

Tinyisie amakhono akatamba amaani, nimuumia amasikamo amateshele. Sunjile abeenabo aba emioyo chiabwe chiriitsanga, mbu Mwitinyie, murarie ta; lole, Nyasaye weenywe aleetsa okhumala eshikwoli, nende omurungo kwaNyasaye; aleetsa namuhonia.

Omuhanda kulabayo, nakwo kulalangwa mbu Injila yObutakatifu; abeshifwabwi shibalabirakhwo tawe; abachendi, kata nibali abasilu, shibalakorakhwo ta.

Habwenaho tsimoni tsiababofu tsilatimbusibwa, khandi amarwi kabasilu kaleekulwa.

Habwenaho omundu omulema alaruuma shinga eshitsusu, khandi olulimi Iwomusilu luleemba nilusangaala; okhuba mushitsiimi amatsi kalafututukha, nende emichela mushitsiimi shiomuyeshe.