Popular Bible Verses from Isaya 11

Share

Roho wOMWAMI naye alaba khuye, roho yobuchesi neyobumanyilisi, roho yobwibaali neyamaani, roho yobumanyi neyokhuria OMWAMI; okhuria OMWAMI khulamuchamisinjia, shialakhalaka amakhuwa nalonda aka tsimonitsie tsilolanga, kata okhukabukhasia nalonda aka ahulila namarwike, ta

Ne eshisebuchisi shilarula mushirichili shiaYese, khandi omurombo okurula mushisinashie.

ne alabakhalachila abamanani nende obulunjishi, nakabukhasilia abasandile beshialo nende obukololofu; khandi alakhupa eshialo nende indabushi yomunwakwe, niyeera abatamaanu nende omuuya kwomunwakwe.

Obulunjishi nabwo bulaba omushiipi kwomushishienjeshie, nabwo obwisiikwa omushiipi okwa yeebohela.

Shibalatsuunia kata okhwonoonia eshindu shiosi mushikulu shianje shiosi eshitakatifu ta; okhuba eshialo shilaba nishiitsuulemwo obumanyi bwOMWAMI shinga amatsi olwa kafuunikha inyanza.

Eshisuutse shilamenya halala nende omusie kwelikondi, khandi ingwe yilakona halala nende eshimeeme shieimbusi; khandi nende eshimoosi nende italanyi indoro bilaaya haiala; nomwana omutuutu alabiimilila.

Khunyanga eyo eshisina shiaYese, eshisinjila shibe eshilolelo khumahanga kosi, niye owa abamahanga balakhaaba; nobuhuluushilobwe bulaba obwoluyali.