Popular Bible Verses from Abaheburania 11

Share

Obusuubili nibwo obumanyi bwatoto bwakeenako aka khunaayanga; nibwo obulolosii bwakeenako akaralolekha ta. Nibwo obuchila abandu bakhale bafumanga.

ne harali obusuubili shilinyalikha okhumuchamisia ta; shichila owitsila Nyasaye akhoyile okhusuubila mbu aliho, khandi mbu niye Khakaba oubakabilanga abamukhaaba.

Khulwa obusuubili khuhulilanga bulayi shinga eshialo olwa shialongwa nelikhuwa liaNyasaye, mbu ebilolekhanga biarula mubindi ebiralolekhanga ta.

Khulwa obusuubili, olwa Aburahamu yalangwa yahulila, narula natsia habundu aha yali nali okhuheebwa habe obulaamebwe; narula ario, naramanyakhwo ewa atsia ta. Khulwa obusuubili yeekhola omumenyi mushibala eshia yasuubisibwa, shinga ouli mushibala eshirali eshishie ta, namenyanga mumaheema, halala nende Isaka naYakobo, aba yali niyalaamilwa ninabo halala akobusuubisie tsana

Khulwa obusuubili, olwa Noa yachesiyibwa naNyasaye khumakhuwa akali nikashili okhulolekha, yamuria, niyoombakha isafina, mbu abomunzuye bahonibwe bario. Khulwabwo yakhalachila abeshibala eshiina, niyeekhola omulaame wobulunjishi oburula mubusuubili.

Khulwa obusuubili Enoka yahuyibwa mbu aralola okhufwa ta; shiyanyoolekha ta, shichila Nyasaye yali namuhuyiye. Okhuba olwa yali narashiahuyibwa ta yali niyamanyikha mbu amuchamisinjia Nyasaye

Khulwa obusuubili Abeli yamalila Nyasaye omusango omulayi okhushila okwaKaini; ne khulwakwo yamanyikha mbu nomulunjishi, Nyasaye naye namurumbulila akobuloli khulwa ebihaanwabie; khandi khulwako ashiboolanga, kata niyafwa.

Khulwa obusuubili kata Sara yesi yaheebwa obunyali okhuhela inda, kata olwa yali nabirile emiyikachie, okhuba yalola mbu oyo owasuubisia nomwisiikwa.

shichila yali nalindiililanga litookho elo elili nomuse kwalio, elia omukasii walio nomuumbashi walio ni Nyasaye.

Khulwa obusuubili, olwa Musa yali nakhulile yakaana okhulangwa mbu omwana womukhaana waFarao; nebutswa yalobola okhukholelwa amabii halala nende abandu baNyasaye, okhushila okhusangaalila emienya chiobwonooni echihweetsangaho. Yalola obunyekwi bwaKristo mbu nobuyinda obushila amabiikho kaMisiri; shichila yalindiiliIanga omurungo okwo okuhela habwene. Khulwa obusuubili yarula eMisiri, nararia oburima bwomuruchi ta; natinya shinga oumulola oyo ouralolekha tawe.

Khulwa obusuubili, olwa Aburahamu yateemwa yahaana omwanawe Isaka. Ye owali niyanyoola akobusuubisie nokhwikhoya yali nali okhuhaana omwanawe omuteelwa

Khulwa obusuubili omutamba Rahabu shiyafwila halala nabakhayi ta, shichila yali niyeenjisiye abaluuri balia nomulembe.

Khulwa obusuubili babirila muNyanza Inzakhanyu shinga abachenda khwiloba eliumu; abaMisiri nabo olwa bateema okhukhola bario bamilishilamwo.

Khulwa obusuubili olukoba lwaYeriko lwalikulukha olwa lwali nilubotokhaanwe tsindaalo musaafu.

Khulwa obusuubili niye owakhola akaPasaka, nokhumiitsal amalasile, mbu owonooninjia abeekulanda aleshe okhubatiilakhwo.

Khulwa obusuubili Yusufu, olwa yali nali ahambi khushiakamoshie, yarumbula akokhwinyokha khwabaana baIsiraeli, nalachilisia akamakumbake.

Khulwa obusuubili Yakobo, olwa yali nafwitsanga, yabasabila ikhabi abaana baYusufu, mulala mulala; niyeenamila Nyasaye, niyeeletile ' khumurwe kwomutungakwe.

Khulwa obusuubili Isaka yasabila Yakobo naEsau ikhabi, mumakhuwa akali nikali okhwitsa.