Popular Bible Verses from Genesis 49

Share

Indabushi yobwami shiyilarula ewaYuda, kata omutunga kwomuruchi okhurula mumakuluke ta, okhuula Shiilo olwa aliitsa; ne niye owa abetsimbia balahulilanga.

Yusufu niye olusaka olwamanga, olusaka olwamanga khusebele; amasakake kalanda khwisiisi. Abalasi bobuyingo bamunyasiye muno, nibamulasa, nibamusakania

ne obuyingobwe bwasinjila nibutinya, amakhonoke nako nikakufuhasibwa khulwa amakhono kOmwene Obunyali waYakobo, khulwa eliira liOmwayi, Lichina liaIsiraeli, khulwa Nyasaye waso, oulakhukhoonyanga, khnndi khulwoyo Ounyala Biosi, oulakhuheelesinjia ikhabi; mbu tsikhabi tsiahekulu mwikulu, tsikhabi tsiolutungu olwakona hasi, tsikhabi tsietsimbeele nende etsiolubeleshelo.

Yuda, niwe owa abaana beenywe baliitsoomia; omukhonokwo kuliba mwikosi liabasukubo; abaana baso nabo balakhwinamila. Yuda niye omwana weitalanyi; orulile khushioluyiitsi, mwana wanje, notikulukha; yabunama hasi niyeekhuuna shinga italanyi, shinga italanyi ikhasi; niwina ounomubuusie?

Reubeni, niwe omwana wanje owambeli, amaani kanje, nolubu Iwetsingufu tsianje; oushilaasia oluyali, noushilaasia obunyali. Olwa obililanga shinga amatsi, shiolabalilwa obushilaasii obwo ta; shichila waniina khubulili bwaso; wabwonoonia. Yaniina khubukono bwanje!