Popular Bible Verses from Ezekieli 37

Share

Khandi niyasunjila, mbu Lakulila amakumba kano amakhuwa, okaboolele mbu Inywe amakumba amoomu, hulile likhuwa liOMWAMI. Kano niko aka Omwami NYASAYE aboolela amakumba kano; mbu Lole, ndaleenjisia omuuya mwinywe, mana mulalamukha.

Ndalara emisi khwinywe, nindeera inyama khwinywe, nimufuunikhakhwo likhoba, nira omuuya mwinywe, ne mulalamukha; mana mulamanya mbu isie nisie OMWAMI.

Niyasunjila mbu Mwana womundu, amakumba kano kakhanyala okhulamukha noho? Nasi ningalusia mbu E Omwami NYASAYE, niwe oumanyile.

Omukhono kwOMWAMI kwali khwisie, niyanjinga niyarusiamwo, muRoho WOMWAMI, niyanzisia hakari mwibanda; nalio liali nilieetsulamwo amakumba; niyanjesia tsimbeka tsiosi hakari wako; ne lola, kali nikali amanji muno mwibanda tsana ebulafu; khandi lola, kali amoomu kar'r'ra.

Kho nindakula shinga olwa ndalakwa; ne olwa ndali nishilakula, obuyoka nibwikhola; lola, okhurenga khwokhwo; nako amakumba nikoongana, likumba khwikumba lindi. Nihenga, ne njiechio, emisi nichiba khuko, inyama niyiitsakhwo, likhoba nilifuunikha; nebutswa omuuya kwabula muko.