Popular Bible Verses from Omwilwatsi 5

Share

Oraboola amatetekhana nomunwakwo, kata omwoyokwo kuleshe okhwanguha okhurumbula likhuwa liosi imbeli waNyasaye ta; okhuba Nyasaye ali mwikulu, nawe oli mushialo; khulwako amakhuwako kabe amatuutu.

Kata buli mundu yesi owa Nyasaye yaheelesiye emiandu nobuyinda, namuheele nende obunyali okhuliitsangakhwo, nokhubukula omukabokwe, nokhwikhoyela emilimochie--ako nako neshihaanwa shiaNyasaye.

Ouheela tsifeetsa shiyeekuranga tsifeetsa, kata ouheela obuyinda okhwikura amameeto ta; ako nako namakhaya.

Wilinde injendayo olwa oba notsiitsanga enanzu yaNyasaye; okhuba okhusita ahambi okhuhulila nokhulayi okhushila okhuhaana omusango kwabayingwa; okhuba bo shibamanya shinga olwa bakholanga obubii ta.

Olwa omwitsubila Nyasaye eshiitsubo, orashinda okhushiusia; okhuba shiachama abayingwa ta; yusia akeenako aka weetsuba.

Bwakhaba bulayi obureetsuba ta, okhushila okhwitsuba mana noroosia ta.

Tsindoolo tsiomukholi wemilimo netsimbuulu, kata naba naliitsanga ebitiiti kate ebinji; ne okhwikura khwomuyinda khumwikalila oburanyoola tsindoolo ta.

Shinga olwa yarula munda yanyina, nolwa alitsia khandi ario, eshihechenye shinga olwa yeetsa; kata shialibukula eshindu shiosi khulwa emilimochie, eshia atsia ninashio mumukhono ta.