Popular Bible Verses from Okhukalushila 8

Share

Nebutswa witsulilenje OMWAMI Nyasayewo, okhuba niye oukhunyalila okhuyindihala; mbu atinyisie indakanoye eya yeetsubila abakuukabo, shinga olwa kali leelo.

Ne yakhusandia, nakhuhonjia inzala, nakhuliisia imana, eya wakorwa, nabakuukabo bosi bachikorwa; mbu akhumanyie mbu omundu shiabeetsanga mwoyo khulwa omukaate kwonyene ta; habula khulwa kosi akarulanga mumunwa kwOMWAMI omundu aba mwoyo.

Witsulilenje injila yosi eya OMWAMI Nyasayewo yakhwimililakhwo emiyika echio amakhumi kane mushitsiimi, mbu akhusandie, nakhuteema, okhumanya akali mumwoyokwo, noba niwenyanga okhukhola akamalakoke nohomba.

ne wakhapaara mumwoyokwo ori Obunyali bwanje namaani komukhono kwanje nibio ebinyooleele obuyinda buno.

Wiricheshe oleshe okhwibilila OMWAMI Nyasayewo, oburakholanga akamalakoke nobukhalachibwe nende aka yalachilisia, aka emulaka leelo, ta

Ne oyililisie mumwoyokwo, mbu shinga omundu olwa akuuma omwanawe, nolwa OMWAMI Nyasayewo akhukuuma wesi.

Olaliitsanga niwikura, nomwitsoomia OMWAMI Nyasayewo khulwa eshialo eshilavi eshia akhuheelesia.

Okholenje akamalako kOMWAMI Nyasayewo, okhuchenda munjilatsie nokhumuriitsanga.

owakhuliisia imana mushitsiimi, eya abakuukabo bakorwa; mbu akhusandie, khandi mbu akhuteeme, okhukhukholela amalayi khubumaliilishi

nebutswa olwa olaba noliile niwikuure, niwumbashile tsinzu tsindayi nende okhumenyamwo; olwa tsing'ombetsio nebiayobio biinjiha, tsifeetsatsio netsitsahaabutsio nitsiinjiha, kata biosi ebia olaba ninabio nibiinjiha; mana omwoyokwo kwakheechinjimisia, niwibilila OMWAMI Nyasayewo, owakhurusia mushialo shiaMisiri, munzu yobunyakhani

Okhuba OMWAMI Nyasayewo yeetsa okhukhuyila mushialo eshilayi, eshialo shiemichela chiamatsi, eshietsisebele netsindungu, akafututukha mumabanda nomubikulu; eshialo shieingano neishayiri, nemitsabibu nemikhuyu nemikomamanga; eshialo shiemitseituni chiamafura nende obuushi; eshialo omwa olaliitsanga omukaate harali obuleemu ta, kata shiolatamba eshindu shiosi mushio ta; eshialo eshia amachina kashio kali ebibia, khandi ewa onyala okhuyaba eshibia shiomukasa mubikulu biashio.

Lilako liosi elia ekhulachile leelo mwitsuliO lenje okhulikhola, mbu mubeetsenje mwoyo, nimwinjiha, nimwinjila nimubukula eshialo eshia OMWAMI yeetsuba okhuheelesia abakuuka beenywe.

Tsingubotsio shitsiakhukofulila, kata ebilenjebio okhufwimba ta, emiyika echio amakhumi kane.

owakhwimilila mushitsiimi eshio eshikhongo eshiamariisia, eshialimwo tsinzokha tsiobufwisi namakatia, neliloba lihalakhu, aha amatsi kabula; owakhurusilia amatsi mulwanda Iwelikhwabuye