Popular Bible Verses from Danieli 3

Share

Shadaraka naMeshaki naAbedinego nibakalusia nibasunjila omuruchi bari Omwami Nebukadineza, libulaho elichila nikhukhukalusiamwo mumakhuwa kano ta. Nyasaye weefwe owa khukhalabanilanga naba nanyala okhukhuhonia mushisambilo shiomulilo omululumu nomumukhonokwo, kho alakhuhonia, omwami omuruchi. Ne butswa, omwami omuruchi, omanye mbu shikhulakhalabanila abanyasayebo kata okhwinamila eshifwanani tsana eshieitsahaabu eshia wasinjisia ta.

Nabakalusia ari Ne endolanga abandu bane, abalekhuule, abachendanga mumulilo mukari, nikurabatsuuniakhwo ta; ne oyo owakhane mumoni afwana shinga omwana wabanyasaye.

Nebukadineza naboola mbu Nyasaye waShadaraka, Meshaki, naAbedinego yeetsoomibwe! Niye owaruma malaikawe nahonia abasumbabe abamwisiikanga, nibakhaya likhuwa liomuruchi, nibahaana emibili chiabwe buhaana, mbu baleshe okhukhalabanila kata okhwinamila omunyasaye yesi, habula Nyasaye wabwe yenyene.

Kho bulaano ekhupa omulome, mbu ababuli luyia nabuli lihanga nabuli lulimi abakhaboola likhuwa liosi libii khuNyasaye waShadaraka, Meshaki, naAbedinego, balatonywe ebitonye ebitonye, tsinzu tsiabwe nitsilikululwa pe; shichila abulaho omunyasaye undi yesi ounyala okhuhonia abandu ario ta.