Popular Bible Verses from 2 Abatsesalonika 2

Share

Omundu yesi aramukaatia munjila yosi yosi ta; shichila shiyileetsa obuhunzushi niburashieekhola ta, nende omundu oyo omukhayi okhufwimbulwa, niye omwana wobukori tsana.

Ne, baana beefwe aba Nyasaye aheelanga, khukwanile okhumuupilanga Nyasaye orio khulweenywe tsindaalo tsiosi, okhuba Nyasaye yamulobola khukhuchaaka khwene khulwa obuhonia mubwahule obwa Roho ahaana, nende mukhusuubilila obwatoto.

Niye ouyinjilisinjia, niyeeyemekha okhufukula kosi akalangwa mbu Nyasaye, kata akeenamilungwa. Kata omwene niyeekhaale muhekalu yaNyasaye, niyeerumbulanga mbu niye Nyasaye.

Ne bulaano Omwami weefwe Yesu Kristo omwene, halala nende Nyasaye Seefwe owakhuheela nakhuheelesia obuhabini bwobumeli nobunaayi obulayi, khulwa obukoosia, amuhabine emioyo chieenywe, nachiralisia mubuli shikhole eshilayi kata lisungo.

Ne niko akachila Nyasaye nabarumila obwimilisi obushiamu, mbu basuubile khwikhuwa liobubeeyi

Ne okhwitsa khwomwenoyo khuleekhola khulwa obukholi bwaSetani nende ebikhole biobunyali nebilolelo nebiamakana ebirula mububeeyi nobukaatii bwosi bwobumayaanu, mubeenabo abatibanaa. Shichila shibeenjisia obuheeli bwobwatoto, mbu bahonibwe, ta.

Shichila kata bulaano obukhayi obwo bukholanga mumabiswi butswa, okhuula olwa oyo oumwikalilanga alayinibwaho.