Popular Bible Verses from 2 Petero 3

Share

Omwami shiashindanga okhuusia obusuubisiebwe, shinga abandi olwa bachelanga obushindi, ta; ne amwisimilisilinjia inywe, nareenya mbu omundu yesi atibe ta, habula mbu bosi boole khubwikalukhasii.

Nebutswa, abaheelwa banje, mureebilila likhuwa lino elala ta, mbu imbeli waNyasaye inyanga ndala yiingana emiyika eshikhumila, kata emiyika eshikhumila chiingana inyanga ndala.

Ne mukhulilenje mubukoosia nobumanyi bwOmwami weefwe khandi Omuhonia weefwe Yesu Kristo. Oluyali lube olulwe, bulaano neinziayo. Amina.

Nebutswa induukho yOmwami yiliula shinga omwibi; khunduukho eyo likulu lilikhama nobukhachi obukhongo, ebiokhuchaachila bieene nabio nibisalulukha khulwa omulilo omululu eshialo nebikhole biosi ebilimwo nibiyia pe.

Ne shinga biosi olwa bili okhusalulukha birio, inywe shimukhoyile okhwiyila bulayi, mubutakatifu nokhuria Nyasaye? Nimulindiililanga, nimwikomba muno, okhwitsa khweinduukho yaNyasaye, eyilichila likulu lilisalulukha khulwa omulilo, ebiokhuchaachila bieene nabio nibiyaka khulwa omulilo tsana omululu.