Popular Bible Verses from 1 Timotseo 6

Share

Olasanenje lihe lilayi liobusuubili; hamba obulamu bwobumeli obwa walanjilwa nobwa weeyama obwiyami obulayi imbeli wabaloli abanji.

Okhuba okhuheelanga amapeesa nikhwo eshisina shiobumayaanu bwetsimbia tsiosi. Abandi nibeehenelesia okhukanyoola bamala bashiamibwe okhurula mubusuubili, nibeefumira abeene namasila amalulu amanji.

Ne toto, idini neinganga ikhongo khu oyo ouchama ebia ali ninabio.

Shichila shikhwayeenjila mushibala nikhuli nende eshindu, kata shikhulirulamwo nikhuchinjile eshindu ta

Obakaanie abo abali abayinda mushialo shino eshiliho bulaano, mbu baleshenje okhwichinjimisia kata okhuchoomia obunaayi bwabwe khubuyinda oburaralila ta, habula khuNyasaye oukhuyindihasia nebindu biosi mbu khubitsatsahalile.

Habula abo abeekomba okhuyindihala bakwitsanga mukhuteemwa nende mumubelo kwobwikombi obusilu obubasaalisia, obunyala okhuchila nibamilishila mubwonooneshi nokhutiba.

Obalache mbu bakholenje amalayi, mana babeetsenje abayinda bebikhole ebilayi; mbu babeetsenje abahaani, abasanjilana nabandu; nibeebiishila abeene libiikho elilibabeela omuse omulayi mundaalo etsili imbeli, mbu bahambe obulamu obwo obuli obwatoto.