Popular Bible Verses from Romanos 8

Share

Qit'am chik che nk'aj mnaq che qatz kkil'oj Dios, che iyusk'im che u'anik su kraj Re, jare Dios kyuto' chpam runjel sutaq kikriq chpam kk'asnmal rech utz kel chikuch.

Xa rmal, qatz qtzij wit'am che ot su kri' su cha'al kikunik kujutas chrij lo'b'al uk'u'x Dios. Kikun taj kmik, kikun taj k'ax kqariq chpam qak'asnmal, kiyikun taj nk'aj ángel, kiyikun taj nk'aj che o taqnik pik'ab' soq o kchu'ab', kiyikun taj jumpa sutaq'ik che o chanim, kiyikun taj jumpa sutaq'ik che k'antaj na chu'ij saq, kiyikun taj jumpa sutaq'ik chla' chkaj, kiyikun taj jumpa sutaq'ik che o chuxe' ulew, soq ot su kri' sutaq'ik che unom Dios kikun che qatasik chrij lo'b'al uk'u'x Dios, che xuk'ut chiquch rmal su xu'on Qajaw Jesucristo.

Jala ku'on Tyoxlaj Uxlab'xel. Kujuto'o, kuya qachu'ab' chpam qanma' mal qo'j mas ujlawlo, ot qachu'ab'. Ni qo'j qit'am tni su mow kqa'an che u'anik qach'ab'al ruk' Dios, per jare Tyoxlaj Uxlab'xel kujutjoj che u'anik rech kqit'amaj su kqab'ij che Dios. Ku'axij qatzij chjuch, per mas ku'nunej ub'ixik che Dios. Jare nk'aj tzije' kujkun taj qo'j kqab'ij mal xa ujumnaq.

Ni le' chik, ¿su kqab'ij chik chrij runjel ri' che xu'on Dios chqe? We o Dios quk', ¿le o chin jun kujuch'ako? Otaj.

Xa rmal, chewa chanim jare Dios kub'ij chqe che qo'j ujsk'um chjuch, xa rmal mel xujkjon che Qajaw Jesucristo. Otchich k'ejsb'al qawuch kqariqo, mal uj jun chik ruk' Re.

Chin nk'aj che xaw kikmiyma' su kraj kpinsar che xa upinsar mnaq, jarela kikam rmal, xa naj kikanaj kan wi che Dios. Per jare nk'aj mnaq che xaw kikmiyma u'anik su kraj Tyoxlaj Uxlab'xel, kikriq na jun kk'asnmal che ot uk'isik rich'il jun nimlaj utzil kikje chikxo'l ruk' Dios.

Per miskini' kqariq nk'aj k'axi', kujch'kan na pujlom runjel, xa rmal Dios che kujuto'o mal mas xel uk'u'x chqe. Re mas xujul'oj.

In kinch'ob'o che jumpa k'ax kqariq chpam qak'asnmal chi' chuchlew, nim taj reqlem chjuch sutaq'ik che mas nim u'ij che kuya na Dios chqe chla' chkaj ruk' Re.

¿Le o chin jun lo kujutas chrij lo'b'al uk'u'x Qajaw Jesucristo che kuya chqe? Otaj. Ot su kri' jun su cha'al che kikunik kujutas chrij lo'b'al uk'u'x Qajaw Jesucristo, miskini' o mnaq kujuya pk'ax, miskini' kqariq k'ax, miskini' kiwa'laj mnaq chqij, miskini' kqariq wijal, miskini' otchich qitz'yaq, miskini' kqariq xib'al'ib', miskini' kujkamsxik. Runjel jumpa ri', kikun taj kujutas chrij lo'b'al uk'u'x Qajaw Jesucristo.

Per jare Dios kurilo su kqaj piqk'u'x. Re rit'am su kuchomaj Tyoxlaj Uxlab'xel echi' kch'aw ruk'. Xa jala' jare Uxlab'xel Dios kujuto'o, mal qo'j jnam ujk'wi ruk' Qajaw Jesucristo. Jare Re kub'och'ij Dios pqajlom rech kuya chqe su kraj Re kuya'o.

Kunjel mnaq che k'mom b'e chikuch rmal Tyoxlaj Uxlab'xel rech Dios, jare ke puro iralk'al Dios.

Jare nk'aj mnaq che xaw kik'ano su kurij kpinsar kik'ano che xa upinsar mnaq, xaw kikmiyma u'anik jumpa sutaq'ik che kkaj ke kik'ano. Per ni nk'aj chik mnaq che jare kkaj kik'ano su kraj Tyoxlaj Uxlab'xel, jare ke xaw kikmiyma u'anik su kuya Tyoxlaj Uxlab'xel.

Kna'taj chiwe wachlal, che jare Dios xuril to'b'al qawuch mal xuxu'yej taj uK'jol, xani xujach pik'ab' mnaq rech xikkamsaj. Jala xu'ono, per xa rmal qech qo'j. Kqilo che xuya uK'jol pkamsxik xa rmal qech qo'j, ¿le kuya tik'lo runjel jumpa sutaq'ik ku'on nmister chqe chpam qak'asnmal? Qtzij kuya'o.

Jare Tyoxlaj Uxlab'xel kub'ij chpam qanma' che qo'j puro qtzij ujralk'al Dios. Tik'ri k'ut we jare qo'j qatz ujralk'al Dios, o su kqechb'ej na mal jala xub'ij Dios che kuya na chqe, rmal che jare Re qaQaw. O su kqechb'ej na jala peche Qajaw Jesucristo, che o su xurechb'ej. Kqariq k'ax peche xuriq Jesucristo, soq Dios kunmirsaj na qa'ij jala peche xu'on che Jesucristo che xunmirsaj u'ij.

Nk'aj mnaq che xaw kikmiyma u'anik jumpa sutaq'ik che kkaj ke kik'ano, jare ke peche mow xa iyajch'oj ruk' Dios. Kpinsar che xa upinsar mnaq kuya taj chke kikkoj upxab' Dios. Miskini' kkaj kikkojo su kraj Dios per kiyikun taj kikkoj upxab' Dios.

Runjel jumpa sutaq'ik antajnaq rmal Dios echi' xutik uwuchlew, mas kkib'soj rib'xik chinchke ij kub'ij na Dios chin nk'aj mnaq che iralk'al Dios.

Qit'am chik che runjel ri' che unom Dios, mas kel ch'u'j kich'qiw rmal u'xom k'ax chanim. Jala urqom peche jun ixoq che kutij k'ax echi' ri'em kuril uwuch jun ral, per echi' alaxnaq chik un ral, ya otchich k'ax kuna'o.