Popular Bible Verses from Matayo 21

Share

Mwamabya mʉlɨ na lwɨkɨrɨtsyo, ebyoshi mwandashaba Gongo mwandabonabyo.»

Yesʉ Mwashʉbɨtsyabo athɨ: «Kwenene enyɨbabwɨra, mwamabya na lwɨkɨrɨtsyo bʉtsɨra ɨthɨka-thɨka, nemwe nɨmwandakola ebyo nyamakolera omutini oyu. Na mwamabwɨra ekɨthwa eki mʉthɨ: “Yɨkʉle aho na ʉyɨgʉshe mo ngetsɨ,” ebyo nɨbyandakoleka.

Abandʉ bo babyaga ebʉshondotsɨ bwa Yesʉ n'abo babyaga bamukwamire bagenda abahambala bathɨ: «Hosana kʉ Mʉgala wa Tawiti! Agashanɨrwe yo uhika kw'ɨtsɨna lya Nyinya-kowethʉ! Hosana kʉ Gongo w'eLʉgʉlʉ Kʉtsɨbʉ mo lʉbʉla!»

Na mwabwɨrabo athɨ: «Kushakirwe kʉthɨ: “Enyʉmba aye yandahʉlwamo nyʉmba ya mɨshabe.” H'imwe mwayirire mʉro mo kabishamo k'abashamuli!»

«Mʉbwɨre abahimbani b'iSayuni mʉthɨ: “Shʉnga, omwamɨ enyu abahikira, nɨ mʉlonvʉ, na ashambire kʉ pʉnda, kyana ky'epʉnda, ekyana.”»

Yesʉ mwashʉba bwɨrabo athɨ: «Mʉthahera mwathasoma ebyo bishakirwe mo Mashako Abuyirire byo binegenire bɨthɨ: “Eribwe lyathɨndawa n'abahimbi lyo lyabere ibwe ly'ekoni. Ekɨnwa kɨno ekɨthoka ewa Nyinya-kowethʉ, nakyo ni ky'erishwekya mo mesho ethʉ.”

Bʉshana n'ekyo enyɨbabwɨra nyɨthɨ oBwamɨ bwa Gongo mwandanyagʉlwabo na bwandahabwa abandʉ bo bandabʉtha biguma byo bɨtholere oBwamɨ obo.