Popular Bible Verses from Mariko 13

Share

Na bandu boshe benderebabaa kubwishi bwa ingye. Wetuwe yakendebeera ihikira kwa ntsindiro, endeufulwa.

Mukohye kubwishi mutechi ngakuno akashangi ako kakendewicha mangoki.

Mwa mango mukenderetsimbwa kwechirwa lubancha, ni mutiiririkane buxondotsi bwa kianiro, kuluenda abinwa byomukendereneena. Wetuwe ni mukendereneena abinwa byomukenderehabwa mo kashangi umo. Kubwishi bitenderetenga mwimwe mwenabene, wetuwe byenderetenga mwa Mutima Akomire.

Ambingu na kihuo byendetsuka, wetuwe abinwa byani bitendetsuka kiro na hake.

Wetuwe hatali mundu yechi alwire na saa, banabe na bamalaika ba mu mbingu, anabe ne Muala. Tata yenaweneho yanechi.

Mwa mango mwendehulikya ahulihuli ya bulenda ni mutiubahe. Abinwa ibyo binalirene ihika. Wetuwe ni bitabibwerekya kwa ntsindiro ya kihuo yamehika.

Kubatyo mukohye, kubwishi mutechi mwa mango nina anyumba endewicha. Kuti mu luoloolo, neri mu kati ka kiro, neri axongole yakokobika, neri mwemakyerakyera. Mukohye, atangendewicha mu kifulumuko, nebashingana ni mwameya tulo. Abinwa byonibabwira imwe, nabwirabyo abandu boshe mbu: «Mukohye.»

Kureba luanda lwendelwa na lundi. Na bwami bwendelwa na bundi. Ahoshe hendetsuka tulingiti na bulio kwa kihuo. Na byoshe ibi byendeba ngakuno ndangiro ya luhe.

Kubatyo, aMwatsi Mubuya alirene ni atangapfulwa kasa kwa nganda soshe.

Kubwishi bandu bangi bendewicha mwetsina rani, ni ababula mbu: ‹Ingye, ngye Kirisitu!› Nabo bendetinga bandu bangi.

«Kubatyo, munakohya kushe, kubwishi mwendetwalwa ku kibu, nebakubita mu ngonyi mwamasinakoki. Na kandi mwendetwalwa mwa mbere sa bakulukulu, na bami kubwishi bwa ingye. Kwebula mbu mupfule amwatsi wa kuluenda ingye mwa mbere sabo.»

Kubwishi kwendepfumbuka bandu bobailuka mu bubesi mbu bo Kirisitu, kuuma na batahwa ba bubesi, nabo bakenderekola tulolero na bishishatsa kwebula mbu liri lingakocheka nehabukya abalondolwa ba Ongo.

Wetuwe mo biro umo inyuma ya minubo iyo, aretsuba ritikendekola na mwetsi atikyendekoletsa, asanyenyetsi sendetoanga itenga mu mbingu, na byoshe byo biri na maala, byo biri mu mbingu byendetinganyibwa.