Popular Bible Verses from Matayo 7

Share

«Mwendi mukonga kongo mwendi muninkwa. Mwendi musonda kongo mwendi mushee. Mwendi mukongota mu rubi kongo benda baburundurengi.

Bushwa mbu kinsi mwea ukongange nge uninkwanga, nangu usondange nge usheenga, nangu ukongotange ng'urundurirwanga erubi.

«Bushwa nancho, kinsi mwea ngu urukirange ebinwa byani bino n'ironja byo, wasusanyiwa na mwea wa bwenge ingu wumbanga numba yae hiyo n'erukanga.

«Ebiti mbi bihunange banu mbu bampe bea bendi baburonjeengi byo, na banu hotu mwendi muronjee bo byo. Bushwa mbu bumbo nge bweba emyomba ya Musa n'ebitabo by'ebatahwa.»

Ina erubi rwerienda mu karamo, iro rwekene. N'ense y'erikime mo, nayo yekene. Ense njo, ebamisange yo bakeke.»

«Mwendi mwetere mu rubi ndu rwekene. Bushwa mbu erubi rwerienda karimina rwaariha, n'ense y'erikime mo nayo yaariha. Ense njo yetange mo bea bingi.

Banu kasa bea bema, ina banu mosi ininka ebana binu bikai byakonda. Mbeni Tita winu wa mu mbingu, buni bwamufundwae ininka bikai byakonda kuri mbi bamukongange byo?»

«Kiro mwendi muhukumu bampe, kongo na banu hotu Ongo watendi ubuhukumungi. Bushwa mbu imbu buhukumunga banu bampe bea nge busekia Ongo nae wabuhukumu. Imbu bupimenga banu bampe bea nge busekia hotu Ongo wabupime.

«Ina kinsi mwea ngu urukirange ebinwa byani bino na watangaronja byo, wasusanyiwa na katiritiri nki kimbanga numba yae mu misie.

Mbeni buni busungange ǒngo ekasu kari mu riso ra munakinu, ina utungaanikira mu kitika nchi kiri mu riso rabe? Abe, buni bwamukocha ǒngo iere munakinu mbu: ‹Reke nikukutu ekasu mu riso rabe›, na kendekese kumunda n'eriso rabe ǒngo mukiri kitika?

«Mwendi mukohya bushwa n'ebatahwa b'emanko. Ibo beyangǎ kuri banu buri mburi. Ina kumunda n'emitima yabo, ibo bari buri mbibi sa busara insi sasua nguru. Ebatahwa b'emanko mbo, mukwenda banu mukengura bo mu mikorere yabo. Bushwa mbu ebea batamusiro byuma bya misabibu abe bya muti wa tini mu muti w'erusoa.

Bushwa nancho, kira muti wakonda ubutanga byuma byakonda, ina kira muti wema ubutanga byuma byema.

Emuti wakonda utamubuta byuma byema n'emuti wema utamubuta byuma byakonda.

Kinsi muti ngu ntiwabuta byuma byakonda usekerwa n'itawa mu kasha.