Popular Bible Verses from Matayo 6

Share

Mwendi musondekanya kasa eBwami bwa Ongo nambi byaombokara mu makako ae, nae wasebutárɨkeyo bikai bimpe mbyo.

«Kiro mwendi mwianya bushwa n'erotu rwa mukoma, bushwa mbu erotu rwa mukoma rusekwianyie iro kisine. Kirotu ruri n'eminubo yaro.»

«Bushwa nancho, nibwirengi mbu kiro mwendi mwianya bushwa n'ebuingo bwinu na kwishisha mbu: ‹Mbeni tuserisa nki? Mbeni tusomo nki? Abe tusembara nki?› Mbeni ebuingo ntibwarenga ebio, n'emubi ntiwarenga enchangi?

Ina ǒngo, umasonda ihema Ongo, wenda wirindike ekundani yabe. Nampo wenda uhema Ongo wabe ingu uri mpo mu siri. Na Tita wabe ngo usungange bikai bironjange ǒngo mu siri wasekuhembayo.

Kai mwendi muhema buno mbu: ‹Tita witu ǒngo'ri mu mbingu, erina rabe ritatwe, eBwami bwabe bweye, erisasa rabe renda rironjiwange mu chuo na buri mu mbingu.

Wendi utuninka ebio byitu bya kirotu.

Wendi utusasira ebibí byitu, ebukianga na bate hotu twasasira imbi bakutukore bibí.

Kiro wendi uturekerere ikire mu myereko, ina wenda utushukaya mu mine ya Mushumbu. [Bushwa mbu ebwami bwabe, n'emaa hima n'ebusime ematu ati n'ematu ati. Bibesi mbo.]›

«Kai, kuba banu mwendi musasirange bampe ebibí mbi byaburonjeenga bo, Tita winu ngu uri mu mbingu nae wasenda ubusasirange.

Mukaenga emirónge. Iyo itahinganga abe ikao, na isira mwiso. Ina Tita winu ngu uri mu mbingu urishanga yo. Kasa banu murenga n'emirónge!»

«Kiro mwenda mwibike butumba mu kino chuo. Bushwa mbu mu chuo nge murikire erunsenge n'ebakenge imbi bibishangǎ bikai. Ebǐbi nabo bakakurangǎ emanumba n'ishuma bikai. Ina mwenda mwibike butumba mu mbingu. Bushwa mbu iko, erunsenge n'ebakenge bitamukocha ibisha bikai, n'ebǐbi batamukocha ikakura n'ishuma. Bushwa mbu impi hari ebutumba bwabe na nge habesengǎ emutima wabe.»

«Kusira mwea ngu wamukore bakwakare babi. Bushwa mbu wasebaa uma n'ishima eumpe, abe wasekowane na uma n'inena eumpe. Kai, mutumakocha ikore Ongo n'ikore behe.»

Ebisu by'emashwa bisungwanga runotu na mukoma nti byatawa mu kasha. Ina Ongo umbarichanga byo nchangi sakonda. Mbeni ke buni bwamufundwa we ibwambicha shu? Banu muri n'isimira rikeke!»

Ina ǒngo, kuba ǒngo usakengi emusene, emwine wabe w'ekurembe utasibinga ekikorange emwine wabe w'ekwabume. Eburongu bwabe mbo, wenda uronja bo mu nama. Bushwa nancho, Tita wabe ingu usungange mu nama ebikorange ǒngo, wasekuhembayo.»

«Mukohyanga! Kiro mwendi muronja byakonda murikwishea kuri ebea mbu babusunge. Bushwa mbu mumakora mbo, Tita winu wa mu mbingu watabuhembiyo.

«Kuba banu muronjange mafungo, kiro mwendi mwishea buri banu muri mu bonso, imbu bukianga ebea b'enkuse. Ibo bakikianga esambaso kongo ebea bati basunga bo mbu baronjange mafungo. Nibwirengi muriira mbu ibo bamakinda rero ihembwa. Ina ǒngo, kuba ǒngo uronjange mafungo, wenda wishua embaso yabe n'ichanua ebuteo bwabe, kongo ebea batasibi mbu ǒngo uronjange mafungo, ina Tita wabe ho ingu uri mpo mu siri. Nae ngu usungange ebironjange ǒngo mu siri, wasekuhembayo.»