Popular Bible Verses from Matayo 24

Share

Na bushwa n'eririra r'ebibi, enchimi y'ebea bingi isebeseyo nkeke. Ina ewasesumyayo emutima ieya na hende, nge waseshukarayo.

N'eMwasi Wakonda uno w'eBwami bwa mu mbingu useturwayo mu byuo biti n'ibese kariho kuri ebea bati. Nampo ke nge ngendero.»

Mukwenda banu murukirange ebea bebange emyasi n'etumensimensi tw'ebita. Ina kiro musubahiyo, bushwa mbu ebinwa mbyo bisekomenwayo ibese. Ina imbyo bitashei nensi engendero y'echuo.

Chuo kima kisekwanayo na kimpe chuo. Na bwami buma busekwanayo na bumpe bwami. Kusebeseyo rwaka hima na karingiri nki kasetenjayo byuo bingi. Ebinwa biti mbyo bisebeseyo buri eribucha r'ebwae reritangirwa.

Embingu n'echuo bisetayo, ina ebinwa byani ibyo bitetiyo karankuso.

Bushwa mbu bea bingi baseyayo mu rina rani. Ebea mbo basenda bebange mbu: ‹Ani nge Kirisitu!› Basenda bahusange bea bingi.

«Ebea basenda babusiburange mbu munubiwe nguru na mushurwe. N'ebea b'ebyuo biti basebuyongwayo bushwa nani. Mu matu ngo, bea bingi baserekeyo erisimira rabo. Ebea benda basiburanange bima mu bampe, n'ibaana. Batahwa bingi ba manko basesaayo, na basehusayo bea bingi.

Yesu wasako bo mbu: «Mukohyanga! Kiro mwea wabuhusayo.

Ngyasingwa, na banu hotu mukohyanga, bushwa mbu ani eMwana w'eMwea naseyayo mu kashangi nki nti kosi rero banu.

«Bushwa nancho, mukereshe, bushwa mbu nti banu mosi erotu ndu ruseyayo ani Nyere kurinu.

«Ina kusira mwea uti-uti ngu wosi erotu ndo, abe entambi nji yamusaa mo ebinwa mbyo. Abe ebamaraika ba mu mbingu nani eMwana w'eMwea nti tosi, ina Tita wisine ho nge wosi.

Bushwa mbu kusesaayo bea mbi basenda bebange manko mbu ibo nge Kirisitu, hima na batahwa ba manko. Ebati mbo basenda baronjange biteerere bikiri na bishisharo kongo kuba rakochekana bahuse n'ebea mbi ebirondorenga Ongo.

Imbu bwabesenga ebinwa mu kiranga cha Noa nge busebeseyo hotu byo mu rikuruka rani ani eMwana w'eMwea. Bushwa mbu mu kiranga ncho, kubusondori n'erike r'embura ningi, ebea babesenga barisange n'iomo, ibinga n'ibingisha, ieya n'erotu ndu rwakianga Noa wakime mu bwato. Ebea mbo ntibasibanga nchi kisesaa ieya n'erotu ndu rwakianga embura ningi yeya n'ishiria ebati. «Ngebumbo busebese byo, ani eMwana w'eMwea nasekia nakurukǎ.