Popular Bible Verses from Markə 6

Share

Jezu pâ kə əndje ə pa: «E nä gâ əmə, a nä gâ tə̂ ə̈bə̈ ətshe ə̂në azü guta gu tə̂ nə ne kɔ, e wü tə̂ e teashe kane.» Mbrə ə̂në ə̂kpû azü sə̂ kə na nə ə sə̂ kə gu na ye â sə̂ kə gaga tə̂ əndje gâ je gâ əmə â äwä ndə kə pa əndje zɨ rəgo gûta gû ne.

Bale, Jezu pâ kə əndje ə pa: «Əndje yində awopandəma Ndjapä yi lə əgɔ nə̂ ye, lə bəngʉ nə̂ ye wala lə anda nə̂ ye də ə̂tə̂ ye ne.»

Alɔ ə̂në Jezu jêrə lə əgerə âgbâ nə, tshə wû ə̈bə̈ əgerə ə̂kpû azü, əyo əndje mbrə̂ ətshə mbrə ə̂në əndje sə̂ mata andalimi ə̂në awobata əndje gûta gû ne kɔ. Tshə vɔ̂tə̂ kə yisə̂ əpʉ ngbatshe kə əndje.

Jezu lî lî ndə kə mbrə ə̈bə̈ ərə ə̈lü bale kôto səkɔ ne. Bale, tshə zâ kʉtə̂ kəna ye gâ pâ alabə̈ alayïrəka â arəka nə̂ əndje nə nglɔ̂. Kumu ye kpê pâ əndu ye mbrə ə̂në azü nə wə̂ra tə̂ əndje ndə kə za lɔsu əndje kə ətshə kɔ. Mandânə, Jezu nâ na ye lə aaya aəgɔ ə̂në ə sə̂ trö kɔ ndə kə yisə̂ əpʉ kə azü.

Jezu kô amapa nə mindû də agiangû nə bishi ə lîshi gâ lafɔ ə ê ə̂rɔ̂ əpʉ gâ pâ nə. Mandânə, tshə ngɔ̂ tshelə amapa nə ə kô kə atrawaya nə ndə kə pa əndje kru tshelə nə tə̂ ə̂kpû azü nə. Tshə krû ndje tshelə agiangû nə bishi nə kɔ tə̂ ə̂kpû azü nə nɔ̂. Azü nə nɔ̂ zɨ̂ rəgo nə â tshelə əndje sû. Atrawaya nə rɔ̂ ə̂dû aə̈ndö amapa nə də agiangû nə, ə sû kakli morofo amanə bishi.