Popular Bible Verses from Luki 12

Share

E-e ndje, e sə̈ trö mbrə ə̂në Əgblə nə̂ Əzü sə kə gu nə tə̂ alɔ ə̂në e wusə̂ nə wu ne kɔ.»

Bale, e prä äwä Əgɔngerə nə̂ Ndjapä angbʉlînə kanika tshə ko aərə səkɔ gâ pâ nə kə e.

Mandânə, tshə pâ kə ə̂kpû azü nə ə pa: «E bäta tə̂ e ndə kə pa əgo kə sɔtə̂ aərə mi e mi ne, mbrə ə̂në sorô əzü sə sə lə aərə nə̂ ye ne, kədə tshə â sə də aərə â ro pâ nə.»

Mbrə ə̂në tə̂ ətshe ə̂në aərə nə̂ e sə tə̂ nə, lɔsu e sə kə sə ndje mâ je.»

Əde lə takpa tə̂ e, kə lï ndə kə pa tshə za ə̈bə̈ əlo gâ pâ əlo ye pâ ashɔ səye tə̂ äwä kə li tshelə ye?

Jezu pâ kwatə̂ye kə atrawaya nə̂ ye ə pa: «Âdârə ə̂në mə pa kə e: e lï tshelə e lï gâ pâ kə sə e pâ ashɔ səye ndə kə pa e sə kə sɔtə̂ rəgo kotâ â zɨ wala ə sɔtə̂ aləba kotâ â yi ne.

Sukumu e ndje, Ndjapä dɨ̂ nɔ̂ gâ ye. E mä awa mä ne, e rô ə̂kpû alayandjera ngbatshe gâ ye!»

Awa mbrə̈ e mbrə̈ ne, e-e ə̂në e sə mata aya ə̂kpû aagia kɔ, mbrə ə̂në Abä e wû tə ə̂rɔ̂nə lə ala ye ndə kə pa e sə tə azü Əgɔngerə nə̂ ye.»

E wü adigbʉ: əndje lu rəgo lu ne ə kɔ angwa rəgo kɔ lə kəndɨ ne ə sə sə də agrɔ ndə kə bata rəgo gâ lə nə ne. Bale, Ndjapä sə kə ko rəgo kə əndje. E-e, e rô ayanu ngbatshe.

Bale, e-e, e kätə̂ kə li tshelə e gâ tə̂ ərə kə zɨ nə də ərə kə ndju nə gâ ye.

Kədə Ndjapä kə ko ə̂rɔ̂ ləba gâ tə̂ güsü ə̂në ə sə kpəsəye lə ngbûndû kɔ ə̂në tshekratshe əwo sə kə ju nə kɔ, ə mbrə atâ â tshə mbrə kə e mbrə ə rô ərə ə̂në tshə mbrə kə güsü kɔ ne a? Ah, alayï aya lɔsu!

Ərə nɔ̂ ə̂në ə zâ tə̂ ye wû, ə sə kə wutu gâ tə̂ ə̂ngbʉ̂tshe, ərə nɔ̂ ə̂në ə sə lə kəwû, azü nɔ̂ sə kə wusə̂ nə.