Popular Bible Verses from Zââ 3

Share

Mbrə ə̂në Ndjapä yîndə azü tshepashɔ wââ â zâ Ɨrɨ nə kʉ kpiabale kɔ, kanika əzü nɔ̂ ə̂në tshə za lɔsu ye kə ətshə, tshə sə sə kə tshu nə ne, bale tshə sə də sorô nə̂ alɔnɔ̂.

Ngâ, Ndjapä nə wlâ Ɨrɨ nə wlâ gâ pâ ashɔ ndə kə wa ngbanga gâ pâ azü tshepashɔ nə ne, bale ndə kə pa azü tshepashɔ nə tshɔ lə kuzu tə̂ äwä ye.

Jezu pâ əpʉ kə ətshə ə pa: «Djatra əpʉ, mə pa kə əbə, kədə əndje zu ə̈bə̈ əzü zu kwatəndje ne, tshə lï lï ndə kə wu Əgɔngerə nə̂ Ndjapä ne.»

Əzü ə̂në tshə za lɔsu ye kə ətshə, Ndjapä wâ ngbanga wâ gâ lə kumu ye ne. Bale, əzü ə̂në tshə za lɔsu ye za kə ətshə ne, Ndjapä wâ ngbanga gâ lə kumu ye gâ ye, mbrə ə̂në tshə zâ lɔsu ye zâ kə Ɨrɨ Ndjapä kʉ kpiabale kɔ ne.

«Â əpʉ ngbanga nə kə səye: ə̂yîəwo nâ gâ pâ ashɔ, â azü yîndə əbutshe ə rô ə̂yîəwo nə, mbrə ə̂në aərə ə̂në əndje mbrə kɔ sə tə əmbrʉ nə.

Ə lï ndə kə pa, ətshə, tshə mbrə tə âgbɔ̂ əzü â, əmə, mə mbrə tə əngʉ əzü.»

Mbrə ə̂në əzü nɔ̂ ə̂në tshə sə kə mbrə əmbrʉ ərə, tshelə ye sə kə wəra tə̂ ye tə̂ ə̂yîəwo, tshə sə sə kə na gâ tə̂ ə̂yîəwo nə ne, ndə kə pa azü wu aəmbrʉ aərə ə̂në tshə mbrə kɔ wu ne.

Əzü ə̂në tshə za lɔsu ye kə Ɨrɨ Ndjapä nə, tshə sə də sorô nə̂ alɔnɔ̂. Əzü ə̂në tshə wəra tə̂ ye tə̂ kə za lɔsu ye kə Ɨrɨ Ndjapä nə, tshə sə sə kə wu sorô ne, bale əkɔ nə̂ Ndjapä daka pə pâ ye.»

 mata ə̂në Mayïzə kânga əkrɔ ədrô kowɔ gâ lafɔ lə ngbûndû kɔ, äwä bale ndje, ə lï ndə kə pa əndje za Əgblə nə̂ Əzü tɔ gâ lafɔ

«Abä yində Ɨrɨ nə â kô aərə nɔ̂ gâ lə kəna ye gâ ye.