Popular Bible Verses from Zââ 14

Share

«Mə katə̂ blatshe kə e, mə za blatshe nə̂ əmə kə e. Əmə, mə za za kə e mata ə̂në azü tshepashɔ ə za kɔ ne. E li li tshelə e ne, awa mbrə e mbrə ne.

Jezu pâ kə ətshə ə pa: «Əmə, mə də̂ äwä nə, djatra əpʉ nə gâ ndə sorô nə. Ə̈bə̈ əzü bale sə sə kə na gâ tə̂ Abä tə̂ ə̈bə̈ äwä kpî tə̂ əmə ne.

Jezu pâ kə atrawaya nə̂ ye ə pa: «E lï lï tshelə e ne, e zä lɔsu e kə Ndjapä ə zä lɔsu e ndje kə əmə.

Bale, Awotɨ azü nə, Âgbɔ̂ Yîrə̂ nə ə̂në Abä ə wla ətshə də əɨrɨ əmə je kɔ, ətshə kə sə̂ â yisə̂ aərə nɔ̂ kə e je, â mbrə ndə kə pa lɔsu e te gâ pâ aərə nɔ̂ ə̂në, əmə, mə pâ ndə əpʉ nə kə e gâ ye kɔ je.

«Əzü ə̂në tshə wusə̂ aəpʉ lə âgbɔ̂ əpʉ nə̂ əmə â mbrə tə̂ ye ə lï də nə, əzü ə̂në tshə yində əmə kɔ kə sə̂. Əzü ə̂në tshə yində əmə, Abä əmə sə kə yində ye, əmə ndje, mə sə kə yində ye â mə sə kə yisə̂ tə̂ əmə gashu kə ətshə.»

 əmə, mə sə kə yu Abä ndə kə pa tshə za ə̈bə̈ ata Awotɨ azü kə e kanika tshə sə də e piii, Yîrə̂ djatra əpʉ kə sə̂. Azü tshepashɔ lï lï ndə kə sɔtə̂ ye ne, mbrə ə̂në əndje wu ətshə wu ne â yerɔ ətshə yerɔ ne. Bale, ənə̂ e, e wusə̂ ye gâ ye, mbrə ə̂në tshə sə lə takpa tə̂ e â sə lə e.

 aərə nɔ̂ ə̂në e sə kə yu tshuku nə də əɨrɨ əmə, mə sə kə mbrə nə, kanika Abä sɔtə̂ ə̂yî lə Ɨrɨ nə. Kədə e yu tshuku ə̈bə̈ ərə kə əmə də əɨrɨ əmə, mə sə kə mbrə nə.»

«Kədə e yində əmə, e sə kə bata aəpʉ lə âgbɔ̂ əpʉ nə̂ əmə.

Aətshe kə sə tə̂ nə sə ngbatshe mâ lə anda nə̂ Abä əmə. Də̂ ne, mə pa kə e ə pa: “Mə sə kə na ndə kə gamba ə̈bə̈ ətshe mbrə e a?”

Rəkɔ, kədə mə na â gamba ətshe nə kə e gâ ye, mə sə kə do tə̂ əmə ə gu ə ko e gâ ngotə̂ əmə, kanika ətshe ə̂në, əmə, mə sə tə̂ nə, e-e ndje, e sə kə sə tə̂ nə.

Toma pâ əpʉ kə ətshə ə pa: «Âgbɔ̂ Əyïngerə, ä wusə̂ ətshe ə̂në bə na gâ tə̂ nə kɔ wu ne; ä sə kə wusə̂ äwä nə atâ a?»