Popular Bible Verses from Zââ 15

Share

«Əmə, mə də̂ ayɔ vinyə nə, e-e, e sə tə ayana ayɔ nə. Əzü ə̂në tshə daka pə lə əmə, â əmə, mə daka pə lə ye, tshə sə kə le nə ngbatshe, mbrə ə̂në e â gi tə̂ e gashe tə̂ əmə, e lï lï ndə kə mbrə ə̈bə̈ ərə bale ne.

E däka pə lə əmə, mata ə̂në mə sə lə e kɔ. Yana ayɔ vinyə lï lï ndə kə le nə də ə̂tə̂ ye ne, kədə ə da daka pə tə ayɔ nə ne, äwä bale ndje, e-e, e lï lï ndə kə le nə ne, kədə e da daka pə lə əmə ne.

Kədə e daka pə lə əmə â aəpʉ nə̂ əmə daka pə tə̂ lɔsu e, e yü tshuku aərə nɔ̂ ə̂në tshelə e yində nə, e sə kə sɔtə̂ nə.

Ə də̂ e də̂ kə kê əmə kɔ ne, əmə, mə kê e ə wlâ e ndə kə pa, e-e, e na na ye ə le ka kə le e nə daka pə je, kanika aərə nɔ̂ ə̂në e sə kə yu tshuku nə kə Abä də əɨrɨ əmə kɔ, tshə sə kə ko kə e.

Ə̈bə̈ âgbɔ̂ kə yi tə̂ ə̂në ə ro ənə̂ sə̂ ə̂në əzü ka tə̂ ye də sorô ye nɔ̂ mbrə agbɔbəngâ nə kɔ guta gu ne.

Ayana ayɔ nə nɔ̂ ə̂në ə tɔ tə̂ əmə, ə̂në ə le le ne kɔ, tshə sə kə de nə gâ tʉ, â ayana ayɔ nə nɔ̂ ə̂në ə le kɔ, tshə sə kə de aəmbrʉ nə lə nə, ndə kə pa ə le kwatəndje ro pâ nə.

Əpʉ ə̂në mə sə kə za ama də nə kə e kɔ kə səye: e yï tə̂ e lə takpa tə̂ e, mata ə̂në mə yîndə e kɔ.

Kədə e le ngbatshe â yisə̂ nə rə ə pa e sə tə atrawaya nə̂ əmə, e sə kə mbe Abä əmə kə sə̂.

«Əmə, mə də̂ djatra ayɔ vinyə, Abä əmə sə tə əyïnga vinyə nə.

Kədə ə̈bə̈ əzü kə da daka pə lə əmə ne, əndje sə kə wli ətshə gashu mata yana ayɔ, tshə sə kə orɔ nə; əndje sə kə rɔ ayana ayɔ nə ə ko wli gâ lə ala əwo â ə ju.

«Mə pâ əpʉ kə e rə ndə kə pa ə̂rû nə̂ əmə sə tə̂ lɔsu e ka ə̂rû nə̂ e nə lï nɔ̂.

Kədə e sə kə bata aəpʉ ə̂në mə za ama də nə kɔ, e sə kə daka pə lə kə yi tə̂ nə̂ əmə, mata ə̂në mə bâta aəpʉ ə̂në Abä əmə zâ ama də nə kɔ â mə daka pə lə kə yi tə̂ nə̂ ye nə kɔ.

Ərə ə̂në mə sə kə za ama də əpʉ nə kə e kɔ kə də̂ kə pa e yi tə̂ e lə takpa tə̂ e.»

Kədə e sə̂ kəmə tə azü tshepashɔ nə, tshepashɔ nə sə̂ kə yi kəmə ndə e mbrə ə̂në e sə̂ tə ənə̂ tshepashɔ nə. Bale, mbrə ə̂në, e sə sə tə azü tshepashɔ nə ne, ə̂në mə kê e lə takpa tə̂ azü tshepashɔ nə gâ ye kɔ, mbrə nə, tshelə azü tshepashɔ nə sə kə wəra tə̂ əndje tə̂ e.