Popular Bible Verses from ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 3

Share

ܥܰܠ ܕܟܽܘܠّܶܗ ܗ̄ܰܢ ܢܳܫ̈ܶܐ ܚܰܛ݄ܢ، ܘ݄ܚܪܺܝܡܺܝ ܡܽܗ̄ܘ ܫܽܘܒܚܳܐ ܕܰܐ‌ܠܳܗܳܐ. ܐܶ‌ܠܳܐ ܒܺܗ̄ܝ ܛܰܝܒܽܘܬ̥ܳܐ ܟܳܗ̄ܘ݄ܢ ܙܰܕ̈ܺܝܩܶܐ، ܡܰܓܳܢ (ܕܠܳܐ ܙܽܘܙ̈ܶܐ)، ܘܒܽܗ̄ܘ ܦܽܘܪܩܳܢܳܐ ܕܟ݄ܬ ܝܳܐ ܒܝܶܫܽܘܥ ܡܫܺܝܚܳܐ.

ܘܺܗ̄ܝ ܟܺܐܢܽܘܬ̥ܳܐ ܕܰܐ‌ܠܳܗܳܐ ܥܰܠ ܗ̄ܽܘ ܕܰܪܒܳܐ ܕܺܗ̄ܝ ܗܰܝܡܳܢܽܘܬ̥ܳܐ ܕܝܶܫܽܘܥ ܡܫܺܝܚܳܐ ܝܳܐ، ܠܟܘ̇ܠّܶܗ ܗ̄ܰܢ ܢܳܫ̈ܶܐ، ܠܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ، ܕܠܳܐ ܦܽܘܪܫܳܢܳܐ (ܡܰܢ ܕܳܗ̄ܘܶܐ ܛܪܳܐ ܗܳܘܶܐ).

ܗܰܢܳܐ ܝܳܐ ܕܰܐ‌ܠܳܗܳܐ ܡܥܰܝܰܢ ܠܶܗ ܡܽܗ̄ܘ ܪܺܝܫܳܐ ܕܳܗ̄ܘܶܐ ܚܽܘܣܳܝܳܐ ܒܽܗ̄ܘ ܐܰܕܡܰܝܕ̥ܶܗ ܠܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ، ܠܰܫܰܢ (ܕܡܺܝܚܰܣ݄ܢ) ܗ̄ܰܚ̈ܛܳܗܰܝܕ̥ܰܢ ܕܣ݄ܡ ܠܰܢ ܡܶܢ̱ ܡܶܩ݄ܕ̱ܡ. ܒܽܗ̄ܘ ܦܽܘܪܣܳܐ ܕܗܽܒ̥ ܠܶܗ ܠܰܢ ܐܰ‌ܠܳܗܳܐ ܒܠܶܒܶܗ ܗ̄ܽܘ ܪܘܺܝܚܳܐ، ܒܽܗ̄ܘ ܬܶܘܪܺܝܟ̥ܳܐ ܕܡܰܘܪܰܟ̥ ܠܶܗ ܒܳܠܶܗ، ܕܡܰܚܘܶܐ ܗ̄ܺܝ ܟܺܐܢܽܘܬ̥ܰܝܕ̥ܶܗ ܒܽܗ̄ܘ ܙܰܒܢܰܢܳܐ، ܕܗܺܝّܶܗ ܗܳܘܶܐ ܗ̄ܽܘ ܟܺܐܢܳܐ، ܘܒܺܗ̄ܝ ܟܺܐܢܽܘܬ̥ܰܝܕ̥ܶܗ ܟܣܳܝ݄ܡ ܙܰܕܺܝܩܳܐ ܠܟܽܘܠ ܡܰܢ ܕ݄ܡܗܰܝܡ݄ܢ ܒܡܳܪܰܢ ܝܶܫܽܘܥ ܡܫܺܝܚܳܐ.

ܥܰܠ ܕܽܗ̄ܘ ܥܒ̥ܳܕ̥ܳܐ ܒܽܗ̄ܘ ܢܳܡܽܘܣܳܐ ܠ݄ܐ ܟܣܳܝ݄ܡ ܢܳܫܳܐ ܙܰܕܺܝܩܳܐ ܩܽܘܕ̱ܡܶܗ (ܕܰܐ‌ܠܳܗܳܐ)، ܡܺܐܝܕ̥ܶܗ ܕܡܽܗ̄ܘ ܢܳܡܽܘܣܳܐ ܝܕ̥ܺܝܥܳܐ ܗ̄ܺܝ ܚܛܺܝܬ̥ܳܐ.

ܐܟ̥ ܕ݄ܟܬ̥ܺܝܒ̥: ”ܠܰܝܬ ܟܺܐܢܳܐ، ܘܠܳܐ ܚܰܕ̱، ܘܠܳܐ ܕ݄ܟܦܳܗ݄ܡ، ܘܠܳܐ ܕܟܳܐܒ݄ܥ ܠܰܐ‌ܠܳܗܳܐ. ܟܽܘܠّܶܗ ܢܰܦܺܝܩܺܝ ܡܽܗ̄ܘ ܕܰܪܒܳܐ ܥܰܡ ܚܕܳܕ̈ܶܐ ܘܚܰܪܺܝܒ̥ܺܝ، ܘܠܰܝܬ ܢܳܫܳܐ ܕܣܳܝ݄ܡ ܛܰܒ̥ܬܳܐ ܘܠܳܐ ܚܰܕ̱.

ܗܰܢ ܢܰܩܠܐ ܟܡܰܫܪܺܝܢܰܐ: ܕܽܗ̄ܘ ܢܳܫܳܐ ܒܺܗ̄ܝ ܗܰܝܡܳܢܽܘܬ̥ܳܐ ܟܳܗ̄ܘܶܐ ܙܰܕܺܝܩܳܐ ܘܠܳܐ ܒܰܥܒܳܕ̥̈ܶܐ ܕܽܗ̄ܘ ܢܳܡܽܘܣܳܐ.

ܠܳܐ، ܚܳܣ! ܡܺܐܝܕ̥ܶܗ ܕܰܐ‌ܠܳܗܳܐ ܫܰܪܺܝܪܳܐ ܝܳܐ، ܘܟܽܘܠ ܢܳܫܳܐ ܡܕܰܓܠܳܢܳܐ ܝܳܐ، ܐܟ̥ ܕ݄ܟܬ̥ܺܝܒ̥: ”ܓܕܳܗ̄ܘܰܬ ܟܺܐܢܳܐ ܒܰܡّܰܐܡܪ̈ܰܝܕ̥ܳܟ̥، ܘܙܰܟܳܝܳܐ ܗ̄ܺܝ ܢܰܩܠܐ ܕܕܰܝܢܺܝ ܠܳܟ̥.“