Popular Bible Verses from ܡܓܰܠܝܘܢ ܕܡܪܩܘܣ 13

Share

ܘܟܽܘܠّܶܗ ܗ̄ܰܢ ܢܳܫ̈ܶܐ ܓܡܺܝܥܰܢܬܺܝ ܡ݄ܢܟ̥ܽܘ ܠܰܫܰܢ ܐ݄ܫܡܺܝ. ܐܶ‌ܠܳܐ ܡܰܢ ܕ݄ܡܣܰܝܒ݄ܪ ܠܺܗ̄ܝ ܚܰܪܰܝܬܳܐ، ܗܺܝّܶܗ ܓܚܳܝܶܐ.

ܚܙܰܝܽܘ ܗܘܰܝܽܘ ܩܺܝܡ̈ܶܐ ܘ݄ܡܨܰܠܰܝܽܘ ܥܰܠ ܕܠܳܐ ܟ݄ܐܕ̥ܥܺܝܬܽܘ ܐܶܡܰܐ ܓܕܳܗ̄ܘܶܐ ܗ̄ܽܘ ܙܰܒܢܳܐ.

ܘܶܐܡܰܐ ܕܡܰܘܒܠ݄ܢܟ̥ܽܘ ܕܡܰܫܠܡ݄ܢܟ̥ܽܘ، ܡܶܩ݄ܕ̱ܡ ܠܳܐ ܚܳܫܒ̥ܺܝܬܽܘ ܕܡ݄ܢ ܕ݄ܐܡّܺܪ̱ܝܬܽܘ، ܘܠܳܐ ܪܳܢܺܝܬܽܘ. ܐܶ‌ܠܳܐ ܗ̄ܽܘ ܡܶܕܶܐ ܕܡܺܝܬܰܗܒ̥ܰܠܟ̥ܽܘ ܒܺܗ̄ܝ ܫܳܥܬ̥ܰܝܕ̥ܰܗ ܗܰܘܳܐ ܡ݄ܫܓ̥ܶܠܽܘ، ܡܺܐܝܕ̥ܶܗ ܕܠܳܐ ܗܰܬܽܘ ܓܡ݄ܫܓ̥ܳܠܺܝܬܽܘ ܐܶ‌ܠܳܐ ܪܽܘܚܳܐ ܕܩܽܘܕܫܳܐ.

ܗ̄ܺܝ ܫܡܰܝܳܐ ܘܺܗ̄ܝ ܐܰܪܥܳܐ ܓܥܳܒܪܺܝ، ܘܰܡّܰܐܡܪ̈ܰܝܕ̥ܺܝ ܠ݄ܐ ܓܫܳܦ̊ܥܺܝ.

”ܐܶ‌ܠܳܐ ܥܰܠ ܗ̄ܽܘ ܝܰܘܡܰܘܳܐ ܘܺܗ̄ܝ ܫܳܥܬ̥ܰܝܳܐ، ܢܳܫܳܐ ܠ݄ܐ ܟܳܐܕ̥݄ܥ، ܘܠܳܐ ܗ̄ܰܡّܰܠܰܐܟ̥̈ܶܐ ܕܒܺܗ̄ܝ ܫܡܰܝܳܐ، ܘܠܳܐ ܗ̄ܽܘ ܐܰܒܪܳܐ، ܐܶ‌ܠܳܐ ܗ̄ܽܘ ܐܰܒܳܐ ܒܶܠܚܽܘܕ̥ܶܗ.

ܘܡ݄ܐ ܕܫܰܡܺܝܥܺܝܬܽܘ ܚܰܪ̈ܒܶܐ ܘܛܶܒܳܐ ܕܩܰܛܠܳܐ ܠܳܐ ܙܰܝܥܺܝܬܽܘ، ܓܕܳܗ̄ܘܶܐ ܗܰܘܟ̥ܰܐ، ܐܶ‌ܠܳܐ ܠܰܝ̱ܬ ܝܳܐ ܗܶܫ ܗ̄ܺܝ ܚܰܪܰܝܬܳܐ،

ܡܰܗ̄ܘܟ̥ܰܐ، ܗܘܰܝܽܘ ܩܺܝܡ̈ܶܐ ܕܠ݄ܐ ܟ݄ܐܕ̥ܥܺܝܬܽܘ ܐܶܡܰܐ ܓܕܳܐܬ̥ܶܐ ܗ̄ܽܘ ܡܳܪܳܐ ܕܽܗ̄ܘ ܒܰܝܬܳܐ، ܠܰܐܦ ܗ̄ܽܘ ܛܒ̥ܳܥܶܗ ܕܝܰܘܡܳܐ، ܒܦܰܠܓܶܗ ܕܠܰܠܝܳܐ، ܐܰܘ ܒܺܗ̄ܝ ܩܪܰܝܬܳܐ ܕܽܗ̄ܘ ܙܳܓ̥ܳܐ ܐܰܘ ܒܨܰܦܪܰܝܬܳܐ، ܕܠ݄ܐ ܐܙّܶܗ ܐܳܬ̥ܶܐ ܡܶܚܕ̥ܳܐ ܘܚܳܙܰܠܟ̥ܽܘ ܕܰܡܺܝܟ̥̈ܶܐ. ܘܽܗ̄ܘ ܡܶܕܶܐ ܕܟܳܐܡܰܪ ܐ̱ܢܳܐ ܠܟ̥ܽܘ، ܠܟܽܘ̇ܠܟ̥ܽܘ ܟܳܐܡܰܪ ܐ̱ܢܳܐ: ܗܘܰܝܽܘ ܩܺܝܡ̈ܶܐ!“

ܡܺܐܝܕ̥ܶܗ ܕܓ݄ܕܩܳܝ݄ܡ ܥܰܡܳܐ ܥܰܠ ܥܰܡܳܐ، ܘܡܰܡܠܰܟ̥ܬܳܐ ܥܰܠ ܡܰܡܠܰܟ̥ܬܳܐ، ܘ݄ܓܕܳܗ̄ܘ݄ܢ ܙܽܘ̈ܠܙܳܠܶܐ ܗܰܪܟܶܐ ܘܬܰܡܳܐ، ܘ݄ܓܕܳܗ̄ܘ݄ܢ ܟܰܦܢ̈ܶܐ ܘ݄ܫܓ̥ܽܘܫܝ̈ܶܐ. ܗܰܢܺܝ ܢܶܝ ܗ̄ܽܘ ܪܺܝܫܳܐ ܕܰܟّܶܐܒ̥̈ܶܐ.

ܘܒܺܗ̄ܝ ܩܰܕ̱ܡܰܝܬܳܐ ܓ݄ܕܡ݄ܟܪܳܙܳܐ ܗ̄ܺܝ ܣܒܰܪܬ̥ܰܝܕ̥ܺܝ ܒܟܽܘܠّܶܗ ܗ̄ܰܥّܰܡ̈ܶܐ.

ܡܺܐܝܕ̥ܶܗ ܕܓ̥ܰܠܰܒܶܐ ܓܕܳܐܬ̥݄ܢ ܒ݄ܐܫܡܺܝ ܘ݄ܐܡّܺܪ̱ܝ: ܐܳܢܳܐ ܐ̱ܢܳܐ! ܘ݄ܓܡܰܛܥ݄ܢ ܠܓ̥ܰܠܰܒܶܐ.

ܘܗܰܬܽܘ ܗܘܰܝܽܘ ܡܳܪܳܐ ܠܪܽܘܚܰܝܟ̥ܽܘ، ܓ݄ܕܡܰܫܠܡ݄ܢܟ̥ܽܘ ܠܰܕّܰܝܳܢ̈ܶܐ، ܘܒܰܟ̥ܢܽܘܫ̈ܳܬ̥ܰܬّ̥ܶܗ ܓܡ݄ܡܚܺܝܬܽܘ، ܘܓ݄ܕܩܰܝܡܺܝܬܽܘ ܩ݄ܕ̱ܡ ܡܰܠܟ̈ܶܐ ܘܫܰܠܺܝ̈ܛܶܐ ܕܣܳܗܕܺܝܬܽܘ ܠܰܫܰܢܺܝ ܩܽܘܕ̱ܡܰܝّܶܗ.

ܡܺܐܝܕ̥ܶܗ ܕܓ݄ܕܩܰܝܡܺܝ ܡܫܺܝܚ̈ܶܐ ܡܕ̈ܰܓܠܳܢܶܐ ܘ݄ܢܒܺܝ̈ܶܐ ܕܰܕّܽܘܓ̈ܠܶܐ، ܘ݄ܓܕܳܗ̄ܒ݄ܢ ܐܳܬ̥ܘ̈ܳܬ̥ܳܐ ܘܬܶܕ݄ܡܪ̈ܳܬ̥ܳܐ، ܘ݄ܕܡܳܛܝܳܐ ܒܺܐܝܕ̥ܰܝّܶܗ ܓܡܰܛܥ݄ܢ ܠܰܡܢܰܩܝ̈ܶܐ ܣܬܶܝ.

”ܒܰܝّܰܘܡ̈ܳܬ̥ܰܢ݄ܟ، ܒ݄ܬ̥݄ܪ ܡܺܗ̄ܝ ܡܥܺܝܩܽܘܬ̥ܳܐ، ܗ̄ܺܝ ܫܶܡܫܳܐ ܓܥܳܬܡܳܐ، ܘܽܗ̄ܘ ܣܰܗܪܳܐ ܠ݄ܐ ܓܕܳܗ̄ܒܶܐ ܗ̄ܽܘ ܒܰܗܪܰܝܕ̥ܶܗ. ܘܰܟّܽܘܟܒ̥̈ܶܐ ܓܢܳܦܠܺܝ ܡܺܗ̄ܝ ܫܡܰܝܳܐ، ܘܰܚّܰܝ̈ܠܶܐ ܕܺܗ̄ܝ ܫܡܰܝܳܐ ܓܡܺܝܙܰܥܙܥܺܝ.