Popular Bible Verses from ܡܓܰܠܝܘܢ ܕܡܪܩܘܣ 12

Share

ܟܳܐܡܰܪ ܠܶܗ ܝܶܫܽܘܥ: ”ܗ̄ܽܘ ܩܰܕ̱ܡܳܝܳܐ ܕܟܽܘܠّܶܗ ܗ̄ܰܦّܽܘܩܕ̈ܳܢܶܐ: ܫܡܰܥ ܐܺܝܣܪܳܐܶܝܠ! ܡܳܪܝܳܐ ܐܰ‌ܠܳܗܰܝܕ̥ܰܢ ܡܳܪܝܳܐ ܚܰܕ̱ ܝܳܐ. ܘ݄ܕܪܳܚܡܰܬ ܠܡܳܪܝܳܐ ܐܰ‌ܠܳܗܰܝܕ̥ܳܟ̥̥ ܡܶܢ̱ ܟܽܘܠܶܗ ܠܶܒܳܟ̥ ܘܡܶܢ̱ ܟܽܘܠܰܗ ܢܰܦܫܳܟ̥ ܘܡܶܢ̱ ܟܽܘܠܶܗ ܗܰܘܢܳܟ̥ ܘܡܶܢ̱ ܟܽܘܠܶܗ ܚܰܝܠܳܟ̥. ܗܰܢܳܐ ܝܳܐ ܗ̄ܽܘ ܦܽܘܩܕܳܢܳܐ ܩܰܕ̱ܡܳܝܳܐ. ܘܕܰܬܪܶܝ ܕܕܳܡܶܐ ܠܶܗ: ܕܪܳܚܡܰܬ ܗ̄ܽܘ ܩܰܪܺܝܒ̥ܰܝܕ̥ܳܟ̥ ܐܟ̥ ܕܪܽܘܚܰܟ̥. ܘܦܽܘܩܕܳܢܳܐ ܚܪܶܢܳܐ ܕܪܰܒ ܡܰܗ̄ܢܺܝ ܠܰܝܬ.“

ܘ݄ܩܪܶܐ ܠܶܗ ܝܶܫܽܘܥ ܠܰܬّܰܠܡܺܝܕ̥̈ܰܝܕ̥ܶܗ ܘܐܡ݄ܪ ܠܰܗ ܠّܶܗ: ”ܫܪܳܪܳܐ ܟܳܐܡܰܪ ܐ̱ܢܳܐ ܠܟ̥ܽܘ: ܗ̄ܺܝ ܐܰܪܡܰܠܬܰܬ̥ܶܐ ܗ̄ܺܝ ܡܶܣܟܶܢ̱ܬܳܐ، ܙ݄ܕ ܡܶܢ̱ ܟܽܘܠّܶܗ ܗ̄ܰܢ ܢܳܫ̈ܶܐ ܕܟܳܡܰܚܬܺܝ ܡܰܚܰܬ ܠܰܗ ܒܽܗ̄ܘ ܨܰܢܕܽܘܩܳܐ. ܡܺܐܝܕ̥ܶܗ ܕܟܽܘܠّܶܗ ܡܽܗ̄ܘ ܡܶܕܶܐ ܙܳܝܽܘܕܳܐ ܕܟ݄ܬّܶܗ ܡܰܚ݄ܬّܶܗ، ܐܶ‌ܠܳܐ ܗܰܬ̥ܶܐ ܡܽܗ̄ܘ ܢܳܩܽܘܨܳܐ ܕܟ݄ܬ ܗ̄ܘܰܝ ܠܰܗ، ܟܽܘܠ ܡܶܕܶܐ ܕܟ݄ܬ ܗ̄ܘܰܝ ܠܰܗ ܡܰܚܰܬ ܠܰܗ، ܟܽܘܠܶܗ ܗ̄ܽܘ ܩܶܢܝܳܢܰܝܕ̥ܰܗ.“

ܘܺܗ̄ܝ ܢܰܩܠܐ ܕܝܰܬܽܒ̥ ܡܩܰܒ݄ܠ ܕܽܗ̄ܘ ܨܰܢܕܽܘܩܳܐ (ܕܽܗ̄ܘ ܗܰܝܟܠܳܐ)، ܚܳܝܰܪ ܗ̄ܘܰܐ ܒܶܗ ܐܰܝܕܰܪܒܳܐ ܗ̄ܰܢ ܢܳܫ̈ܶܐ ܟܳܡܰܚܬܺܝ ܙܽܘܙ̈ܶܐ ܒܽܗ̄ܘ ܨܰܢܕܽܘܩܳܐ. ܘܓ̥ܰܠܰܒܶܐ ܥܰܬܺܝܪ̈ܶܐ ܡܰܚܬܺܝ ܗ̄ܘܰܘ̱ ܓ̥ܰܠܰܒܶܐ. ܘܰܐܬ̥ܝܳܐ ܚܕ̥ܳܐ ܐܰܪܡܰܠܬܳܐ ܡܶܣܟܶܢ̱ܬܳܐ ܡܰܚܰܬ ܠܰܗ ܒܽܗ̄ܘ ܨܰܢܕܽܘܩܳܐ ܬܪܶܝ ܦܶܠܣ̈ܶܐ، ܕܟ݄ܬܢܶܝ ܫܳܡܽܘܢ̈ܶܐ.

ܘ݄ܕܢܳܫܳܐ ܪܳܚܰܡ ܠܶܗ ܡܶܢ̱ ܟܽܘܠܶܗ ܗ̄ܽܘ ܠܶܒܳܐ، ܘܡܶܢ̱ ܟܽܘܠܶܗ ܗ̄ܽܘ ܗܰܘܢܳܐ، ܘܡܶܢ̱ ܟܽܘܠܰܗ ܗ̄ܺܝ ܢܰܦܫܳܐ، ܘܡܶܢ̱ ܟܽܘܠܶܗ ܗ̄ܽܘ ܚܰܝܠܳܐ، ܘ݄ܕܪܳܚ݄ܡ ܗ̄ܽܘ ܩܰܪܺܝܒ̥ܰܝܕ̥ܶܗ ܐܟ̥ ܕܪܽܘܚܶܗ ܛܰܒ̥ ܝܳܐ ܡܶܢ̱ ܟܽܘܠّܶܗ ܗ̄ܰܩّܽܘܪ̈ܒܳܢܶܐ ܕܡܺܝܬܰܘܩܕ̥ܺܝ ܘܰܕّܶܒܚ̈ܶܐ.“

ܘܐܡ݄ܪ ܠܰܗ ܠّܶܗ ܝܶܫܽܘܥ: ”ܕܩܶܣܰܪ ܗܰܒ̥ܽܘ ܠܩܶܣܰܪ، ܘܕܰܐ‌ܠܳܗܳܐ ܠܰܐ‌ܠܳܗܳܐ.“ ܘ݄ܡܕܰܘܡܪܺܝ ܐܶܒܶܗ.