Popular Bible Verses from ܡܓܰܠܝܘܢ ܕܠܘܩܐ 4

Share

”ܗ̄ܺܝ ܪܽܘܚܳܐ ܕܡܳܪܝܳܐ ܐܰܥܠܺܝ ܝܳܐ، ܡܰܗ̄ܘܟ̥ܰܐ ܡܫ݄ܚ ܠܶܗ ܠܺܝ: ܕ݄ܡܣܰܒܰܪ ܐ̱ܢܳܐ ܠܰܡّܶܣܟܶܢ̈ܶܐ. ܘ݄ܡܫܰܕܰܪ ܠܶܗ ܠܺܝ ܕܡܰܢ݄ܚ ܐ̱ܢܳܐ ܗ̄ܰܡّܰܥܺܝܩ̈ܶܐ، ܘܟܳܪܰܙ ܐ̱ܢܳܐ ܫܽܘܒܩܳܢܳܐ ܠܰܝّܰܣܺܝܪ̈ܶܐ ܘ݄ܚܙܳܝܳܐ ܠܰܣّܰܡܝ̈ܶܐ، ܘܒܽܗ̄ܘ ܫܽܘܒܩܳܢܳܐ ܡܚܰܪܰܪ ܐ̱ܢܳܐ ܠܰܬܒ̥ܺܝܪ̈ܶܐ، ܘܟܳܪܰܙ ܐ̱ܢܳܐ ܫܰܢ̱ܬܳܐ ܡܰܩܒܰܠܬܳܐ ܠܡܳܪܝܳܐ.“

ܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܶܗ ܠܶܗ: ”ܟܬ̥ܺܝܒ̥ܳܐ ܝܳܐ ܠܡܳܪܝܳܐ ܐܰ‌ܠܳܗܰܝܕ̥ܳܟ̥̥ ܓܣܳܓ̥ܕܰܬ ܘܶܐ‌ܠܶܗ ܠܚܽܘܕ̥ܶܗ ܓܥ݄ܒܕܰܬ.“

ܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܶܗ ܠܶܗ: ”ܟܬ̥ܺܝܒ̥ܳܐ ܝܳܐ، ܠܳܐ ܒܽܗ̄ܘ ܠܰܚܡܳܐ ܠܚܽܘܕ̥ܶܗ ܟܚܳܝܶܐ ܗ̄ܽܘ ܢܳܫܳܐ، ܐܶ‌ܠܳܐ ܒܟܽܘܠ ܡܰܐܡܪܳܐ ܕܰܐ‌ܠܳܗܳܐ.“

ܘܝܶܫܽܘܥ، ܡܰܠܝܳܐ ܪܽܘܚܳܐ ܕܩܽܘܕܫܳܐ، ܕܰܥ݄ܪ ܡܶܢ̱ ܝܽܘܪܕܢܳܢ. ܘܺܗ̄ܝ ܪܽܘܚܳܐ ܡܰܘܒ݄ܠ ܠܰܗ ܠܽܗ̄ܘ ܡܰܕ̥ܒܪܳܐ

ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܘܐܡܺܝܪ: ܠܳܐ ܡܢܰܣܰܬ ܠܡܳܪܝܳܐ ܐܰ‌ܠܳܗܰܝܕ̥ܳܟ̥̥.“

ܘܺܗ̄ܝ ܢܰܩܠܐ ܕ݄ܡܟܰܡܶܠ ܠܶܗ ܗ̄ܽܘ ܣܳܛܳܢܳܐ ܟܽܘܠّܶܗ ܗ̄ܰܢ ܢܶܣܝ̈ܽܘܢܰܝܕ̥ܶܗ، ܪܰܚ݄ܩ ܡܶܢ̱ ܓܰܒܶܗ ܠܙܰܒܢܳܐ.

ܘܽܗ̄ܘ ܣܳܛܳܢܳܐ ܡܰܣܠܰܩ ܠܶܗ ܠܛܽܘܪܳܐ ܥܶܠܳܝܳܐ، ܘܡܰܚܘܶܐ ܠܶܗ ܠܶܗ ܗ̄ܰܡّܰܡ݄ܠܟ̈ܳܬ̥ܳܐ ܕܺܗ̄ܝ ܐܰܪܥܳܐ ܟܽܘܠّܶܗ ܒܙܰܒܢܳܐ ܟܰܪܝܳܐ. ܘܐܡ݄ܪ ܠܶܗ ܠܶܗ ܗ̄ܽܘ ܣܳܛܳܢܳܐ: ”ܐܶ‌ܠܳܟ̥ ܓܕܳܗ̄ܒܶܐ ܐ̱ܢܳܐ ܗ̄ܽܘ ܫܽܘܠܛܳܢܰܢܳܐ ܟܽܘܠܶܗ ܘܽܗ̄ܘ ܫܽܘܒܚܰܝܕ̥ܶܗ، ܡܺܐܝܕ̥ܶܗ ܕܶܐ‌ܠܺܝ ܗܺܝܒ̥، ܘ݄ܠܡܰܢ ܕܳܐܒܰܥ ܐ̱ܢܳܐ ܓܕܳܗ̄ܒܶܐ ܐ̱ܢܳܐ ܠܶܗ. ܗܶܕܺܝ ܐܶܢ ܕܣܳܓ̥ܕܰܬ ܩܽܘܕ̱ܡܺܝ، ܐܶ‌ܠܳܟ̥ ܓܕܳܗ̄ܘܶܐ ܟܽܘܠܶܗ.“ ܝܶܫܽܘܥ ܡܰܕܥܰܪ ܠܶܗ ܘܐܡ݄ܪ ܠܶܗ ܠܶܗ: ”ܟܬ̥ܺܝܒ̥ܳܐ ܝܳܐ ܠܡܳܪܝܳܐ ܐܰ‌ܠܳܗܰܝܕ̥ܳܟ̥̥ ܓܣܳܓ̥ܕܰܬ ܘܶܐ‌ܠܶܗ ܠܚܽܘܕ̥ܶܗ ܓܥ݄ܒܕܰܬ.“

ܘܡܰܝܬܶܐ ܠܶܗ ܠܽܐܘܪܶܫܠܶܡ، ܘܡܰܩ݄ܡ ܠܶܗ ܥܰܠ ܗ̄ܽܘ ܟܶܢܦܳܐ ܕܽܗ̄ܘ ܗܰܝܟܠܳܐ، ܘܐܡ݄ܪ ܠܶܗ ܠܶܗ: ”ܐܶܢ ܗ̄ܽܘ ܐܰܒܪܳܐ ܕܰܐ‌ܠܳܗܳܐ ܗܰܬ، ܡܚܰܠ݄ܩ ܪܽܘܚܳܟ̥ ܡܰܗ̄ܪܟܶܐ ܠܰܠܬܰܚ، ܥܰܠ ܕ݄ܟܬ̥ܺܝܒ̥: ܓܕܳܗ̄ܒܶܐ ܦܽܘܩܕܳܢܳܐ ܠܰܡّܰܠܰܐܟ̥̈ܰܝܕ̥ܶܗ ܠܰܫܰܢܳܟ̥ ܕܢܳܛܪܺܝ ܠܳܟ̥، ܘܥܰܠ ܕܪ̈ܳܥܰܝّܶܗ ܓܛܳܥܢܺܝ ܠܳܟ̥ ܕܠܳܐ ܡܺܝܬܰܪܩܠܳܐ ܪܰܓ̥ܠܳܟ̥ ܒܟܶܐܦܳܐ.“ ܘܡܰܕܥܰܪ ܠܶܗ ܝܶܫܽܘܥ ܘܐܡ݄ܪ ܠܶܗ ܠܶܗ: ”ܘܐܡܺܝܪ: ܠܳܐ ܡܢܰܣܰܬ ܠܡܳܪܝܳܐ ܐܰ‌ܠܳܗܰܝܕ̥ܳܟ̥̥.“