Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 50

Share

ܗܰܬܽܘ ܚܫܽܒ̥ܟ̥ܽܘ ܐܰܥܠܺܝ ܒܺܝܫܬܳܐ، ܘܰܐ‌ܠܳܗܳܐ ܚܫܺܝܒ̥ܳܐ ܠܶܗ ܠܺܗ̄ܝ ܛܰܒ̥ܬܳܐ، ܕܣܳܝ݄ܡ ܐܟ̥ ܕܰܐܕܝܰܘܡܰܐ ܘܚܳܝܶܐ ܥܰܡܳܐ ܪܰܒܳܐ.

ܘܐܡ݄ܪ ܠܰܗ ܠّܶܗ ܝܰܘܣܶܦ: ”ܠܳܐ ܙܰܝܥܺܝܬܽܘ، ܡܺܐܝܕ̥ܶܗ ܕܬܰܚܬܶܗ ܕܰܐ‌ܠܳܗܳܐ ܐ̱ܢܳܐ.

ܘܳܐܥܕܳܐ ܠܳܐ ܙܰܝܥܺܝܬܽܘ، ܐܳܢܳܐ ܓ݄ܡܕܰܒܰܪ ܐ̱ܢܳܐ ܠܟ̥ܽܘ، ܐܰ‎ܠܟ̥ܽܘ ܘܠܰܗ̄ܢ ܢܰܥܺܝܡ̈ܰܬ̥ܟ̥ܽܘ.“ ܘ݄ܡܒܰܣܰܡ ܠܶܗ ܘܡܰܬ̥ܢܰܚ ܠܶܗ ܠܶܒܰܝّܶܗ.

ܗܰܘܟ̥ܰܐ ܐܡܰܪܽܘ ܠܝܰܘܣܶܦ: ܒܒܳܥܽܘ ܫܒܰܩ ܗ̄ܺܝ ܣܰܟ̥ܠܽܘܬ̥ܳܐ ܕܰܗ̄ܢ ܐܰܚ̈ܽܘܢܳܢܰܝܕ̥ܳܟ̥ ܘܰܚܛܳܗ̈ܰܬّ̥ܶܗ ܕܣ݄ܡّܶܗ ܒܺܝܫܬܳܐ ܐܰܥܡܳܟ̥. ܘܳܐܥܕܳܐ ܫܒܰܩ ܗ̄ܺܝ ܣܰܟ̥ܠܽܘܬ̥ܳܐ ܕܰܓܪ̈ܶܝܥܶܐ ܕܰܐ‌ܠܳܗܳܐ ܕܒܰܒܳܟ̥.“ ܘܒܰܟ̥ܺܝ ܝܰܘܣܶܦ ܗ̄ܺܝ ܢܰܩܠܐ ܕܐܡ݄ܪّܰܗ ܠܶܗ.

ܘܐܡ݄ܪ ܠܶܗ ܝܰܘܣܶܦ ܠܰܗ̄ܢ ܐܰܚ̈ܽܘܢܳܢܶܐ: ”ܐܳܢܳܐ ܓܡܳܝܰܬ̥ ܐ̱ܢܳܐ، ܘܰܐ‌ܠܳܗܳܐ ܓܡܰܕ̥ܟܰܪܟ̥ܽܘ، ܘ݄ܓܡܰܣܠܰܩܟ̥ܽܘ ܡܺܗ̄ܝ ܐܰܪܥܰܬ̥ܶܐ ܠܺܗ̄ܝ ܐܰܪܥܳܐ ܕܺܝܡܶܐ ܠܶܗ ܠܰܐܒܪܳܗܳܡ ܘܠܺܐܝܣܚܳܩ ܘ݄ܠܝܰܥܩܽܘܒ.“

ܘܡܰܘܡܶܐ ܠܶܗ ܝܰܘܣܶܦ ܠܰܗ̄ܢ ܐܰܒܢ̈ܶܐ ܕܺܐܝܣܪܳܐܶܝܠ ܘܐܡ݄ܪ ܠܶܗ: ”ܓܡܰܕ̥ܟܰܪܟ̥ܽܘ ܐܰ‌ܠܳܗܳܐ، ܡܰܣܠܶܩܽܘ ܗ̄ܰܓّܰܪ̈ܡܰܝܕ̥ܺܝ ܡܰܗ̄ܪܟܶܐ ܐܰܥܡܰܝܟ̥ܽܘ.“

ܘܡܰܝ݄ܬ̥ ܝܰܘܣܶܦ ܐܰܒܪܳܐ ܕܡܳܐܐ ܘ݄ܥܣܰܪ ܐ݄ܫܢ̈ܶܐ. ܘ݄ܡܚܰܢܰܛّܶܗ ܘܡܰܚ݄ܬّܶܗ ܒܕܽܘܦܢܳܐ ܒܡܶܨܪܶܝܢ.