Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 46

Share

ܘܐܡ݄ܪ ܠܶܗ: ”ܐܳܢܳܐ ܐ̱ܢܳܐ ܐܺܝܠ ܐܰ‌ܠܳܗܳܐ ܕܒܰܒܳܟ̥، ܠܳܐ ܙܰܝܥܰܬ ܕܢܳܚܬܰܬ ܠܡܶܨܪܶܝܢ ܥܰܠ ܕܥܰܡܳܐ ܪܰܒܳܐ ܓܣܳܝܰܡܢܳܟ̥ ܬܰܡܳܐ

ܐܳܢܳܐ ܓܢܳܚܰܬ ܐ̱ܢܳܐ ܐܰܥܡܳܟ̥ ܘܳܐܢܳܐ ܓܡܰܣܠܰܩܢܳܟ̥. ܘܝܰܘܣܶܦ ܓ݄ܕܡܰܚ݄ܬ ܐܺܝܕ̥̈ܳܬ̥ܶܗ ܥܰܠ ܥܰܝܢ̈ܳܬ̥ܳܟ̥.“

ܘܚ݄ܨ ܠܶܗ ܝܰܘܣܶܦ ܗ̄ܰܡّܰܪ̈ܟܒܳܬ̥ܰܝܕ̥ܶܗ ܘܣܰܠ݄ܩ ܠܩܰܕ̱ܡܽܘܬ̥ܶܗ ܕܺܐܝܣܪܳܐܶܝܠ ܗ̄ܽܘ ܒܰܒܰܝܕ̥ܶܗ ܠܓܶܫܳܢ. ܘ݄ܚܙܶܐ ܠܶܗ، ܘܢܰܦ݄ܠ ܥܰܠ ܩܕ̥ܳܠܶܗ ܘܒܰܟ̥ܺܝ ܥܰܠ ܩܕ̥ܳܠܶܗ.

ܘܐܡ݄ܪ ܠܶܗ ܐܺܝܣܪܳܐܶܝܠ ܠܝܰܘܣܶܦ: ”ܗܰܢ ܢܰܩܠܐ ܛܪܳܐ ܡܳܝܰܬ̥ ܐ̱ܢܳܐ ܡܶܢ̱ ܒ݄ܬ̥݄ܪ ܕ݄ܚܙܶܐ ܠܺܝ ܦܳܬ̥ܳܟ̥ ܝܰܐ ܐܰܒܪܺܝ ܕܟ݄ܬ ܗ̄ܰܬ ܚܰܝܳܐ.“