Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 32

Share

ܘܐܡ݄ܪ ܠܶܗ ܠܶܗ: ”ܐܰܝܕܰܪܒܳܐ ܝܳܐ ܐ݄ܫܡܳܟ̥؟“ ܘܐܡ݄ܪ ܠܶܗ: ”ܝܰܥܩܽܘܒ.“

ܘ݄ܚܙܶܐ ܠܶܗ ܕܠܰܝܒܶܗ ܐܰܥܠܶܗ، ܘ݄ܡܩܰܪܰܒ̥ ܠܶܗ ܠܥܰܛܡܶܗ، ܘܟܰܝܺܝܒ̥ܳܐ ܥܰܛܡܶܗ ܕܝܰܥܩܽܘܒ ܗ̄ܺܝ ܢܰܩܠܐ ܕ݄ܡܩܰܛܶܠ ܠܶܗ ܐܰܥܡܶܗ.

ܘܡܰܘܒܠܺܝ ܠܶܗ ܘܡܰܫܦ̊ܥܺܝ ܠܶܗ ܗ̄ܽܘ ܢܰܚܠܳܐ، ܘܡܰܥܒܰܪ ܠܶܗ ܟܘ̇ܠ ܕܟ݄ܬ ܠܶܗ.

ܘ݄ܡܫܰܐܶܠ ܠܶܗ ܝܰܥܩܽܘܒ ܘܐܡ݄ܪ ܠܶܗ: ”ܡܰܚܘܰܝ ܠܺܝ ܐ݄ܫܡܳܟ̥ (ܡ݄ܢܝܳܐ)؟“ ܘܐܡ݄ܪ ܠܶܗ ܠܶܗ: ”ܠܡ݄ܢ ܟܳܡܫܰܐ‌ܺܠܰܬ ܥܰܠ ܐ݄ܫܡܺܝ؟“ ܘ݄ܡܒܰܪܰܟ̥ ܠܶܗ ܬܰܡܳܐ.

ܘܦܰܝ݄ܫ ܝܰܥܩܽܘܒ ܠܚܽܘܕ̥ܶܗ. ܘܓܰܒ̥ܪܳܐ ܚܰܕ̱ ܡܩܰܛܶܠ ܠܶܗ ܐܰܥܡܶܗ ܗ݄ܠ ܠܩܶܕܰܡܬܳܐ.

ܘܐܡ݄ܪ ܠܶܗ ܠܶܗ: ”ܡܰܪܦܰܝ ܠܺܝ ܥܰܠ ܕܣܰܠ݄ܩ ܗ̄ܽܘ ܝܰܘܡܳܐ.“ ܘܐܡ݄ܪ ܠܶܗ (ܝܰܥܩܽܘܒ): ”ܠ݄ܐ ܓܡܰܪܦܶܢܳܟ̥ ܕܠܳܐ ܡܒܰܪܟ̥ܰܬ ܠܺܝ.“

ܐܡ݄ܪ ܠܶܗ ܠܶܗ: ”ܢܰܩܠܐ ܚܪܶܬܳܐ ܠܳܐ ܝܰܥܩܽܘܒ ܓܡ݄ܩܪܶܐ ܐ݄ܫܡܳܟ̥، ܐܶܠܳܐ ܐܺܝܣܪܳܐܶܝܠ ܥܰܠ ܕ݄ܟܰܠܰܬ ܥܰܡ ܡܰܠܰܐܟ̥ܳܐ ܘܥܰܡ ܓܰܒ̥ܪܳܐ، ܘܰܐܬ̥ܺܝ ܡܶܢܳܟ̥.“

ܘ݄ܡܨܰܠܶܐ ܠܶܗ ܝܰܥܩܽܘܒ ܘܐܡ݄ܪ ܠܶܗ: ”ܐܰ‌ܠܳܗܳܐ ܕܒܰܒܺܝ ܐܰܒܪܳܗܳܡ، ܐܰ‌ܠܳܗܳܐ ܕܒܰܒܺܝ ܐܺܝܣܚܳܩ، ܡܳܪܝܳܐ ܕܐܡ݄ܪ ܠܶܗ ܠܺܝ: ܕܥܰܪ ܠܺܗ̄ܝ ܐܰܪܥܳܐ ܕܰܒّܰܒܳܢ̈ܰܝܕ̥ܳܟ̥ ܘܠܺܗ̄ܝ ܕܽܘܟܬ̥ܳܐ ܕܡܰܘܠܕ̥ܰܬ ܐܶܒܰܗ، ܘܛܳܒ̥ܽܘܬ̥ܳܐ ܓܣܳܝܰܡ ܐ̱ܢܳܐ ܐܰܥܡܳܟ̥.

ܘܢܰܦܺܝܩܳܐ ܠܶܗ ܗ̄ܺܝ ܫܶܡܫܳܐ ܗ̄ܺܝ ܢܰܩܠܐ ܕܢܰܦ݄ܩ ܡܶܢ̱ ܦܢܽܘܐܶܝܠ، ܘܗܰܘܺܝ ܗ̄ܘܰܐ ܚܓ̥ܺܝܪܳܐ ܡܶܢ̱ ܥܰܛܡܶܗ.

ܘܐܡ݄ܪ ܠܶܗ ܝܰܥܩܽܘܒ: ”ܐܶܢ ܕܳܐܬ̥ܶܐ ܥܺܝܣܽܘ ܐܰܚܽܘܢܺܝ ܥܰܠ ܚܕ̥ܳܐ ܡܰܫܪܺܝܬ̥ܳܐ ܘܡܳܚܶܐ ܠܰܗ، ܗ̄ܺܝ ܡܰܫܪܺܝܬ̥ܳܐ ܕܦܰܝܺܝܫܳܐ ܓܦܳܠܛܳܐ.“

ܢܳܩܽܘܨܳܐ ܐ̱ܢܳܐ ܡܶܢ̱ ܟܽܘܠّܶܗ ܗ̄ܰܛّܰܝܒ̈ܘܳܬ̥ܰܝܕ̥ܳܟ̥، ܘܡܶܢ̱ ܟܽܘܠܶܗ ܗ̄ܽܘ ܫܪܳܪܳܐ ܕܣ݄ܡ ܠܳܟ̥ ܥܰܡ ܗ̄ܽܘ ܥܰܒܕܰܝܕ̥ܳܟ̥، ܥܰܠ ܕܒܺܗ̄ܝ ܚܰܛܪܰܝܕ̥ܺܝ ܫܰܦ݄̊ܥ ܐ̱ܢܳܐ ܝܽܘܪܕܢܳܢ ܗܰܢܳܐ، ܘܳܐܥܕܳܐ ܦܠ݄ܓ̥ ܐ̱ܢܳܐ ܠܬܰܪܬܶܝ ܡܰܫܪ̈ܝܳܬ̥ܳܐ.