Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 24

Share

ܘ݄ܡܨܰܠܶܐ ܠܶܗ ܘܐܡ݄ܪ ܠܶܗ: ”ܝܰܐ ܡܳܪܝܳܐ ܐܰ‌ܠܳܗܳܐ ܕܽܗ̄ܘ ܡܳܪܰܝܕ̥ܺܝ ܐܰܒܪܳܗܳܡ، ܡܛܰܝ݄ܒ ܩܽܘܕ̱ܡܺܝ ܐܰܕܝܰܘܡܰܐ، ܘܣܘ̇ܡ ܛܳܒ̥ܽܘܬ̥ܳܐ ܥܰܡ ܗ̄ܽܘ ܡܳܪܰܝܕ̥ܺܝ ܐܰܒܪܳܗܳܡ.

ܘܺܗ̄ܝ ܥܠܰܝܡܬܳܐ ܕܳܐܡܰܪ ܐ̱ܢܳܐ ܠܰܗ: ܡܰܢܚܰܬ ܠܺܝ ܗ̄ܺܝ ܩܳܩܬܰܝܕ̥ܰܟ̥ ܕܫܳܬܶܐ ܐ̱ܢܳܐ ܘܕܳܐܡّܳܪ̱ܐ ܠܺܝ ܫܬܰܝ، ܘ݄ܓܡܰܫܬܝܳܐ ܐ̱ܢܳܐ ܗ̄ܰܓّܰܡ̈ܠܰܝܕ̥ܳܟ̥ ܣܬܶܝ، ܗܺܝّܰܗ ܝܳܐ ܕ݄ܡܛܰܝܒܳܐ ܠܳܟ̥ ܠܽܗ̄ܘ ܥܰܒܕܰܝܕ̥ܳܟ̥ ܐܺܝܣܚܳܩ. ܘܒܰܗ̄ܬ̥ܶܐ ܓܕܳܐܕ̥ܰܥ ܐ̱ܢܳܐ ܕܟܳܣܰܝܡܰܬ ܛܳܒ̥ܽܘܬ̥ܳܐ ܘܩܽܘܫܬܳܐ ܥܰܡ ܗ̄ܽܘ ܡܳܪܰܝܕ̥ܺܝ.“

ܘܡܰܥ݄ܒܪܳܐ ܠܶܗ ܐܺܝܣܚܳܩ ܠܽܗ̄ܘ ܡܰܫܟܢܳܐ ܕܣܰܪܳܐ ܗ̄ܺܝ ܐܶܡܳܐ. ܘܡ݄ܕ ܠܶܗ ܠܪܰܦܩܳܐ ܘܗܰܘܝܳܐ ܠܶܗ ܐܰܢ̱ܬ̥ܬܳܐ. ܘ݄ܪܚܺܝܡܳܐ ܠܶܗ ܘܒܰܣ݄ܡ ܠܶܒܶܗ ܕܺܐܝܣܚܳܩ ܒ݄ܬ̥݄ܪ (ܡܽܗ̄ܘ ܡܰܘܬܳܐ) ܕܺܗ̄ܝ ܐܶܡܳܐ.

ܘ݄ܡܒܰܪܰܟّ̥ܶܗ ܠܪܰܦܩܳܐ ܗ̄ܺܝ ܚܳܬ̥ܰܬّ̥ܶܗ، ܘܐܡ݄ܪّܰܗ ܠܰܗ: ”ܚܳܬ̥ܰܢ ܗܰܬ، ܗܘܰܝ ܠܰܐ‌ܠܦ̈ܶܐ ܘܪ̈ܶܒܘܳܬ̥ܳܐ، ܘܝܳܪ݄ܬ̥ ܗ̄ܽܘ ܙܰܪܥܰܝܕ̥ܰܟ̥ ܗ̄ܰܢ ܐܰܪ̈ܥܳܬ̥ܳܐ ܕܰܒܥܶܠܕ̈ܒܳܒܰܝܕ̥ܶܗ.“

ܘ݄ܟܡܰܘܡܶܢܳܟ̥ ܒܡܳܪܝܳܐ ܐܰ‌ܠܳܗܳܐ ܕܺܗ̄ܝ ܫܡܰܝܳܐ ܘܰܐ‌ܠܳܗܳܐ ܕܺܗ̄ܝ ܐܰܪܥܳܐ، ܕܠܳܐ ܡܰܝܕܰܬ ܐܰܢ̱ܬ̥ܬܳܐ ܠܽܗ̄ܘ ܐܰܒܪܰܝܕ̥ܺܝ ܡܰܢ̱ ܒܢ̈ܳܬ̥ܳܐ ܕܰܟܢܰܥܢܳܝ̈ܶܐ ܕ݄ܟܝܳܬܰܒ̥ ܐ̱ܢܳܐ ܒܰܝܢܳܬ̥ܰܝّܶܗ. ܐܶܠܳܐ ܠܺܗ̄ܝ ܐܰܪܥܰܝܕ̥ܺܝ ܘ݄ܠܓܰܒ ܗ̄ܰܢ ܢܳܫ̈ܰܝܕ̥ܺܝ ܙܳܟ̥ ܘܡܘ̇ܕ ܐܰܢ̱ܬ̥ܬܳܐ ܠܽܗ̄ܘ ܐܰܒܪܰܝܕ̥ܺܝ ܐܺܝܣܚܳܩ.“