Popular Bible Verses from ܣܶܦܪܳܐ ܕ݄ܒܪܺܝܬ̥ܳܐ 22

Share

ܘ݄ܩܪܶܐ ܠܶܗ ܐܰܒܪܳܗܳܡ ܐ݄ܫܡܰܗ ܕܽܗ̄ܘ ܐܰܬ̥ܪܰܘܳܐ: ”ܡܳܪܝܳܐ ܟܚܳܙܶܐ.“ ܘܗ݄ܠ ܠܰܐܕܝܰܘܡܰܐ ܐܡܺܝܪ ܒܽܗ̄ܘ ܛܽܘܪܰܢܳܐ ܡܳܪܝܳܐ ܟܚܳܙܶܐ.

ܘܐܡ݄ܪ ܠܶܗ ܠܶܗ: ”ܡܘ̇ܕ ܠܽܗ̄ܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܕܟܳܪܳܚܡܰܬ، ܐܺܝܣܚܳܩ، ܘܙܳܠܳܟ̥ ܠܺܗ̄ܝ ܐܰܪܥܳܐ ܕܰܗ̄ܢ ܐܳܡܽܘܪ̈ܳܝܶܐ، ܘܡܰܣܠܶܩܶܗ ܬܰܡܳܐ ܥܠܳܬ̥ܳܐ (ܩܽܘܪܒܳܢܳܐ) ܥܰܠ ܚܰܕ̱ ܡܰܢ̱ ܛّܽܘܪ̈ܳܢܶܐ ܕܳܐܡܰܪ ܐ̱ܢܳܐ ܠܳܟ̥.“

ܘܐܡ݄ܪ ܠܶܗ ܠܶܗ: ”ܠܳܐ ܡܰܘܫܛܰܬ ܐܺܝܕ̥ܳܟ̥ ܥܰܠ ܗ̄ܽܘ ܛܰܠܝܳܐ، ܘܠܳܐ ܣܰܝܡܰܬ ܠܶܗ ܡܶܕܶܐ، ܥܰܠ ܕ݄ܐܥܕܳܐ ܡܰܘܕ̥ܰܥ ܠܳܟ̥ ܕܙܰܝܳܥܳܐ ܗܰܬ ܕܰܐ‌ܠܳܗܳܐ، ܕܠܳܐ ܡܰܟܠܶܐ ܠܳܟ̥ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܡܶܢܺܝ.“

ܘܐܡ݄ܪ ܠܶܗ ܐܰܒܪܳܗܳܡ: ”ܐܰ‌ܠܳܗܳܐ ܓܚܳܙܶܐ ܠܶܗ ܦܰܪܳܐ ܠܺܗ̄ܝ ܥܠܳܬ̥ܳܐ، ܝܰܐ ܐܰܒܪܺܝ.“ ܘܰܐܙّ݄ܢ ܗ̄ܰܬܪܶܝ ܥܰܡ ܚܕ̥ܳܕ̥̈ܶܐ.

ܒܶܪܳܟ̥ܳܐ ܓ݄ܡܒܰܪܰܟ̥ܢܳܟ̥، ܘܬܶܙܺܝܕܳܐ ܟܡܰܙ݄ܕ ܐ̱ܢܳܐ ܗ̄ܽܘ ܙܰܪܥܰܝܕ̥ܳܟ̥، ܐܟ̥ ܕܰܟّܽܘ̇ܟܒ̥̈ܶܐ ܕܺܗ̄ܝ ܫܡܰܝܳܐ، ܘ݄ܐܟ̥ ܕܽܗ̄ܘ ܚܳܠܳܐ ܕܥܰܠ ܣܰܦ̊ܬ̥ܶܗ ܕܽܗ̄ܘ ܝܰܡܳܐ. ܘܽܗ̄ܘ ܙܰܪܥܰܝܕ̥ܳܟ̥ ܓܝܳܪ݄ܬ̥ ܗ̄ܰܢ ܐܰܪ̈ܥܳܬ̥ܳܐ ܕܰܒܥܶܠܕ̈ܒܳܒܰܝܕ̥ܶܗ. ܘܒܽܗ̄ܘ ܙܰܪܥܰܝܕ̥ܳܟ̥ ܓܡܺܝܒܰܪܟ̥ܺܝ ܟܽܘܠّܶܗ ܗ̄ܰܥّܰܡ̈ܶܐ ܕܺܗ̄ܝ ܐܰܪܥܳܐ، ܥܰܠ ܕܫܰܡܺܝܥܰܬ ܠܩܳܠܺܝ.“

ܘܗܰܘܺܝ ܡܶܢ̱ ܒ݄ܬ̥݄ܪ ܗ̄ܰܡّܰܐܡܪ̈ܰܢܺܝ، ܐܰ‌ܠܳܗܳܐ ܡܢܰܣܶܐ ܠܶܗ ܠܰܐܒܪܳܗܳܡ ܘܐܡ݄ܪ ܠܶܗ ܠܶܗ: ”ܐܰܒܪܳܗܳܡ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“

ܘܽܗ̄ܘ ܡܰܠܰܐܟ̥ܳܐ ܕܰܐ‌ܠܳܗܳܐ ܡܺܗ̄ܝ ܫܡܰܝܳܐ ܩܪܶܐ ܠܶܗ ܐܰܥܠܶܗ، ܘܐܡ݄ܪ ܠܶܗ: ”ܐܰܒܪܳܗܳܡ ܐܰܒܪܳܗܳܡ.“ ܘܐܡ݄ܪ ܠܶܗ: ”ܟܰܐܠܺܝ ܐܳܢܳܐ.“

ܘ݄ܩܪܶܐ ܠܶܗ ܗ̄ܽܘ ܡܰܠܰܐܟ̥ܳܐ ܕܰܐ‌ܠܳܗܳܐ ܠܰܐܒܪܳܗܳܡ ܠܺܗ̄ܝ ܢܰܩܠܐ ܕܰܬّܰܪܬܶܝ ܡܺܗ̄ܝ ܫܡܰܝܳܐ، ܘܐܡ݄ܪ ܠܶܗ: ”ܐܶܒܺܝ ܝܺܡܶܐ ܠܺܝ، ܟܳܐܡ݄ܪ ܡܳܪܝܳܐ، ܡܶܢ̱ ܚܠܳܦ ܕܣ݄ܡ ܠܳܟ̥ ܗ̄ܽܘ ܡܶܕܰܢܳܐ، ܘܠܳܐ ܡܰܟܠܶܐ ܠܳܟ̥ ܗ̄ܽܘ ܐܰܒܪܰܝܕ̥ܳܟ̥ ܗ̄ܽܘ ܝܺܚܺܝܕ̥ܳܝܰܝܕ̥ܳܟ̥ ܡܶܢܺܝ،

ܘܰܐܬ̥݄ܢ ܠܽܗ̄ܘ ܐܰܬ̥ܪܳܐ ܕܐܡ݄ܪ ܠܶܗ ܠܶܗ ܐܰ‌ܠܳܗܳܐ. ܘ݄ܒܢܶܐ ܠܶܗ ܬܰܡܳܐ ܐܰܒܪܳܗܳܡ ܡܰܕ̥݄ܒܚܳܐ. ܘܡܰܚ݄ܬ ܠܶܗ ܗ̄ܰܩّܰܝܣ̈ܶܐ ܘܡܰܐܣ݄ܪ ܠܶܗ ܠܺܐܝܣܚܳܩ ܗ̄ܽܘ ܐܰܒܪܰܝܕ̥ܶܗ. ܘܡܰܚ݄ܬ ܠܶܗ ܥܰܠ ܗ̄ܽܘ ܡܰܕ̥݄ܒܚܳܐ ܠܰܠܥ݄ܠ ܡܰܢ̱ ܩّܰܝܣ̈ܶܐ.