Popular Bible Verses from ܣܶܦܪܳܐ ܕܡܰܦܩܳܢܳܐ 14

Share

ܡܳܪܝܳܐ ܓ݄ܡܚܰܪ݄ܒ ܡܶܢ̱ ܚܠܳܦܰܝܟ̥ܽܘ، ܘܗܰܬܽܘ ܠ݄ܐ ܓܪܳܡܫܺܝܬܽܘ.“ ܘ݄ܡܨܰܠܶܐ ܠܶܗ ܡܽܘܫܶܐ ܩ݄ܕ̱ܡ ܡܳܪܝܳܐ.

ܘܐܡ݄ܪ ܠܶܗ ܡܽܘܫܶܐ ܠܽܗ̄ܘ ܥܰܡܳܐ: ”ܠܳܐ ܙܰܝܥܺܝܬܽܘ. ܢܛܰܪܽܘ ܘ݄ܚܙܰܝܽܘ ܗ̄ܽܘ ܦܽܘܪܩܳܢܳܐ ܕܡܳܪܝܳܐ ܕ݄ܓܣܳܝܰܡ ܠܶܗ ܐܰ‌ܠܟ̥ܽܘ ܐܰܕܝܰܘܡܰܐ. ܒܶܗ ܐܰܝܕܰܪܒܳܐ ܟܚܳܙܺܝܬܽܘ ܗ̄ܰܡّܶܨܪ̈ܳܝܶܐ ܐܰܕܝܰܘܡܰܐ، ܢܰܩܠܐ ܚܪܶܬܳܐ ܠܳܐ ܓܚܳܙܺܝܬܽܘܢّܶܗ ܠܥܳܠܰܡ.

ܘܗܰܬ ܡܰܥܠܰܝ ܗ̄ܺܝ ܚܰܛܪܰܝܕ̥ܳܟ̥ ܘܡܰܢܚ݄ܬ ܐܺܝܕ̥ܳܟ̥ ܥܰܠ ܗ̄ܽܘ ܝܰܡܳܐ، ܘ݄ܦܠܰܓ̥ܶܗ. ܘ݄ܛܪܳܐ ܥܳܒܪܺܝ ܗ̄ܰܢ ܐܰܒܢ̈ܶܐ ܕܺܐܝܣܪܳܐܶܝܠ ܠܰܘܓ̥݄ܠ ܕܽܗ̄ܘ ܝܰܡܳܐ ܥܰܠ ܗ̄ܺܝ ܐܰܪܥܰܝܕ̥ܶܗ (ܒܝܰܒܫܳܐ).

ܘ݄ܚܙܶܐ ܠܶܗ ܐܺܝܣܪܳܐܶܝܠ ܗ̄ܺܝ ܐܺܝܕ̥ܳܐ (ܚܰܝܠܳܐ) ܪܰܒܬ̥ܳܐ ܕܡܳܪܝܳܐ ܕܣ݄ܡ ܠܰܗ ܒܰܡّܶܨܪ̈ܳܝܶܐ. ܘܙܰܝ݄ܥ ܗ̄ܽܘ ܥܰܡܳܐ ܡܶܢ̱ ܡܳܪܝܳܐ، ܘ݄ܡܗܰܝܡܰܢّܶܗ ܒܡܳܪܝܳܐ ܘ݄ܒܡܽܘܫܶܐ ܗ̄ܽܘ ܥܰܒܕܰܝܕ̥ܶܗ.