Popular Bible Verses from ܣܶܦܪܳܐ ܕܡܰܦܩܳܢܳܐ 15

Share

ܘܐܡ݄ܪ ܠܶܗ ܠܶܗ: ”ܐܶܢ ܫܡܳܥܳܐ ܕܫܳܡܥܰܬ ܗ̄ܽܘ ܡܰܐܡܪܳܐ ܕܡܳܪܝܳܐ ܐܰ‌ܠܳܗܰܝܕ̥ܳܟ̥̥، ܘܽܗ̄ܘ ܡܶܕܶܐ ܕܟ݄ܬ ܝܳܐ ܛܳܒ̥ܳܐ ܟܣܰܝܡܰܬ ܩܽܘܕ̱ܡܶܗ، ܘܡܰܨܺܝܬ̥ܰܬ ܥܰܠ ܗ̄ܰܦّܽܘܩܕ̈ܳܢܰܝܕ̥ܶܗ، ܘܢܳܛܪܰܬ ܟܽܘܠّܶܗ ܗ̄ܰܩܝܳܡ̈ܰܝܕ̥ܶܗ، ܟܽܘܠّܶܗ ܗ̄ܰܡܚ̈ܰܝܬܳܬ̥ܳܐ ܕܡܰܝܬܶܐ ܠܺܝ ܥܰܠ ܗ̄ܰܡّܶܨܪ̈ܳܝܶܐ ܠܳܐ ܓܡܰܝܬܶܢܰܢّܶܗ ܐܰܥܠܳܟ̥، ܥܰܠ ܕܳܐܢܳܐ ܐ̱ܢܳܐ ܡܳܪܝܳܐ ܗ̄ܽܘ ܐܳܣܝܰܝܕ̥ܳܟ̥.“

ܚܰܝܠܬ̥ܳܢܳܐ ܘ݄ܡܫܰܒܚܳܐ ܝܳܐ ܝܰܗ ܡܳܪܝܳܐ، ܘܗܰܘܺܝ ܠܰܢ ܦܳܪܽܘܩܳܐ. ܗܰܢܳܐ ܝܳܐ ܗ̄ܽܘ ܐܰ‌ܠܳܗܰܝܕ̥ܺܝ ܓ݄ܡܫܰܒܰܚܢܶܗ، ܐܰ‌ܠܳܗܳܐ ܕܒܰܒܺܝ ܓ݄ܡܪܰܡܪܰܡܢܶܗ.

ܡܰܢܝܳܐ ܐܟ̥ܳܬ̥ܳܟ̥ ܡܳܪܝܳܐ؟ ܡܰܢܝܳܐ ܐܟ̥ܳܬ̥ܳܟ̥ ܡܫܰܒܚܳܐ ܒܽܗ̄ܘ ܩܽܘܕܫܰܝܕ̥ܶܗ، ܡܰܙܺܝܥܳܢܳܐ ܘ݄ܡܫܰܒܚܳܐ ܘܣܰܝܳܡܳܐ ܕܬܶܕ݄ܡܪ̈ܳܬ̥ܳܐ.

ܡܕܰܒܰܪ ܠܳܟ̥ ܒܺܗ̄ܝ ܛܰܝܒܽܘܬ̥ܰܝܕ̥ܳܟ̥ ܠܽܗ̄ܘ ܥܰܡܰܢܳܐ ܕ݄ܦܪ݄ܩ ܠܳܟ̥. ܡܕܰܒܰܪ ܠܳܟ̥ ܒܽܗ̄ܘ ܚܰܝܠܰܝܕ̥ܳܟ̥ ܠܽܗ̄ܘ ܒܰܝܬܰܝܕ̥ܳܟ̥ ܗ̄ܽܘ ܡܩܰܕܫܳܐ.

ܘܰܐܬ̥݄ܢ ܠܡܽܘܪܰܬ̥، ܘܠܳܐ ܩܰܕܺܝܪܺܝ ܕܫܳܬ݄ܢ ܡܰܝ̈ܶܐ ܡܶܢ̱ ܡܽܘܪܰܬ̥ ܥܰܠ ܕܟ݄ܬ ܗ̄ܘܰܝܢܶܝ ܡܰܪ̱ܺܝܪ̈ܶܐ، ܡܰܗ̄ܘܟ̥ܰܐ ܩܪܰܠّܶܗ ܐ݄ܫܡܶܗ ܕܽܗ̄ܘ ܐܰܬ̥ܪܰܘܳܐ ܡܽܘܪܰܬ̥. ܘ݄ܡܛܰܪܛܰܡّܶܗ ܗ̄ܽܘ ܥܰܡܳܐ ܥܰܠ ܡܽܘܫܶܐ ܘܐܡ݄ܪّܶܗ: ”ܡ݄ܢ ܓܫܳܬܺܝܢܰܐ؟“ ܘ݄ܡܨܰܠܶܐ ܠܶܗ ܡܽܘܫܶܐ ܩ݄ܕ̱ܡ ܡܳܪܝܳܐ، ܘܡܳܪܝܳܐ ܡܰܚܘܶܐ ܠܶܗ ܠܶܗ ܩܰܝܣܳܐ، ܘ݄ܡܚܰܠܰܩ ܠܶܗ ܒܰܡّܰܝ̈ܶܐ ܘܚܰܠ݄ܢ ܗ̄ܰܡّܰܝ̈ܶܐ. ܬܰܡܳܐ ܡܰܘܠܰܦ ܠܶܗ ܢܳܡܽܘܣ̈ܶܐ ܘܕܺܝܢ̈ܶܐ، ܘܬܰܡܳܐ ܡܢܰܣܶܐ ܠܶܗ.