Popular Bible Verses from ᓲᓗᒨᓂᐅᑉ ᐅᖃᓪᓚᖕᓂᖏᑦ 11

Share

ᐊᓐᓂᕈᓱᖏᑦᑐᖅ ᐊᒃᓗᐃᓕᓂᐊᕐᐳᖅ, ᐃᒥᕐᑎᑦᓯᔪᕐᓗ ᐃᒥᕐᑎᑕᐅᓂᐊᕆᓪᓗᓂ.

ᑐᓂᐅᖅᑬᖃᑦᑕᕐᑐᖅ ᐊᓐᓂᕈᓱᒐᓂ ᐊᔪᕐᓴᕈᓐᓃᕐᐸᓪᓕᐊᕗᖅ, ᐊᓯᐊᓕ ᐱᓯᒪᓇᓱᐊᕐᑐᖅ ᑐᓂᔭᕆᐊᖃᕐᑕᒥᓂᒃ, ᐊᔪᕐᓴᓕᕈᓐᓇᕐᐳᖅ.

ᐱᐅᔪᕆᓂᖅ ᐊᑐᕐᑕᐅᓕᕋᖓᑦ ᑕᕝᕙ ᑲᓐᖑᓲᑎᒃᓴᑦ ᕾᒋᕗᑦ, ᒥᑭᒡᓕᑎᕐᓯᒪᔪᕐᓕ ᓯᓚᑐᓂᖃᕐᐳᖅ.

ᐅᖃᐅᑦᔨᒋᐊᕐᑎᒃᓴᖃᖏᑦᑐᑦ ᐃᓄᐃᑦ ᐅᕐᕈᕙᒃᐳᑦ, ᐃᑲᔪᕐᑎᒃᓴᓂᒡᓕ ᐊᒥᒐᕐᓯᖏᑦᑐᑦ ᓴᐳᑦᔭᐅᕕᒃᓴᖃᕐᐳᑦ.

ᐃᓱᐊᕐᑐᖅ ᐸᐅᕐᖓᖃᕐᐳᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᐱᖁᔭᖃᖏᑦᑐᕐᓕ ᐃᓅᓯᕐᒥᒃ ᐃᓱᓕᑎᑦᓯᕗᖅ.

ᐅᖃᐅᓯᕐᓂᒃ ᒥᓇᕋᕐᑎ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᕆᕗᖅ, ᐅᒃᐱᕆᔭᒃᓴᐅᔪᕐᓕ ᑐᓴᕐᑕᐅᔭᕆᐊᖃᖏᑦᑐᓂᒃ ᓴᖅᑭᑎᑦᓯᓐᖏᓚᖅ.

ᐊᖑᑦ ᓂᑲᒍᓱᖕᓂᖃᑦᓯᐊᕐᑐᖅ ᐃᓅᑦᓯᐊᕈᑎᒃᓴᓕᐅᕐᐳᖅ ᐃᒻᒥᓄᑦ, ᐊᑦᑕᕆᔭᖃᖏᑦᑐᕐᓕ ᑎᒥᒥᓄᑦ ᐃᓱᐊᖏᑦᔪᑎᒃᓴᓕᐅᕐᐳᖅ.

ᐊᒃᓗᐃᑦᔪᑎᒥᓂᒃ ᑕᑎᖃᕐᑐᖅ ᓄᖑᕈᑎᓂᐊᕐᐳᖅ, ᐃᓱᐊᕐᑐᕐᓕ ᐆᒻᒪᕐᑎᑐᑦ ᐅᖃᐅᔭᕐᑎᑐᑦ ᐱᕈᕐᐸᓪᓕᐊᓂᐊᕐᐳᖅ.

ᐊᒃᓗᐃᓐᓂᖅ ᓴᐳᑦᔨᓯᒪᔪᓐᓇᓐᖏᓚᖅ ᓂᓐᖓᖕᓂᐅᑉ ᐅᓪᓗᖓᓂ, ᐃᓱᐊᕐᓂᕐᓕ ᓴᐳᑦᔨᔪᓐᓇᕐᐳᖅ ᑐᖁᒥᑦ.

ᐃᓱᐊᕐᑑᑉ ᓱᓕᑦᓯᐊᕐᓂᖅ ᑕᓯᐅᕐᑎᒋᕚ, ᓱᓕᑦᓯᐊᕋᓱᐊᖏᑦᑐᓪᓕ ᐱᑦᓯᐊᖏᓐᓂᕐᒧᑦ ᐊᓯᕈᕐᑕᐅᕗᑦ.

ᑰᒃᑰᓯ ᒎᓗᒥᒃ ᐳᑐᓕᖕᒥᒃ ᕿᖓᕐᒥᐅᑦᓯᕐᑕᐅᓯᒪᔪᖅ, ᐊᑦᔨᖃᕐᐳᖅ ᐊᕐᓇᑦᓯᐊᕙᖕᒥᒃ ᐅᑦᔨᕐᓱᖏᑦᑐᒥᒃ.

ᓴᒡᓗᕿᑦᓯᓪᓗᑎᒃ ᐅᖁᒤᓐᓂᓂᐊᕈᑎᑎᒍᑦ ᐊᑭᓕᕐᑐᐃᔪᑦ ᐊᑕᓂᐅᑉ ᓇᕐᕈᒋᕔᑦ, ᓱᓕᓪᓗᑎᒡᓕ ᐅᖁᒤᓐᓂᕐᓯᐅᑎᓂᒃ ᐊᑐᕐᑐᑦ ᐊᑕᓂᐅᑉ ᖁᕕᐊᒋᕔᑦ.