Popular Bible Verses from ᒫᑯᓯᐅᑉ ᐊᒡᓚᖏᑦ 13

Share

ᑕᒤᓐᓄᑦ ᐆᒥᒋᔭᐅᓕᕈᒫᕐᐳᓯ ᐅᕙᖓ ᐱᑦᔪᑎᒋᓗᖓ. ᓇᓪᓕᐊᓪᓕ ᕿᓄᐃᓵᕐᓗᓂ ᐊᓂᒍᐃᔪᖅ ᑖᓐᓇ ᐱᐅᓕᔭᐅᔪᒫᕐᐳᖅ.”

ᖃᐅᔨᒪᓇᓱᐊᑦᓯᐊᕆᑦᓯ, ᖃᐅᔨᓴᑦᓯᐊᕐᓗᓯ; ᖃᖓ ᓇᓪᓕᐅᑎᔪᒫᕐᒪᖔ ᖃᐅᔨᒪᖕᒋᓐᓇᑦᓯᐅᒃ.

ᑎᒍᔭᐅᒍᑦᓯ ᐃᖅᑲᕐᑐᐃᕕᖕᒧᓪᓗ ᐋᑕᐅᒍᑦᓯ, ᐃᓱᒪᔮᕐᓂᐊᕋᓯ ᓯᕗᓂᖓᓂ ᖃᓄᖅ ᐅᖃᕆᐊᖃᕐᓂᐊᕐᒪᖔᑦᓯ; ᐅᖃᐅᓯᖃᕆᑦᓯᓕ ᑕᕝᕙᓂ ᓇᓪᓕᐅᑦᑐᒥ ᐅᖃᐅᓯᒃᓴᕐᑖᕐᑎᑕᐅᓂᕆᔭᑦᓯᓐᓂᒃ, ᓇᖕᒥᓂᖅ ᐅᖃᓪᓚᖏᓐᓇᑦᓯ, ᐊᓂᕐᓂᕐᓕ ᐃᑦᔪᕐᓁᑦᑐᖅ ᐅᖃᓪᓚᒃᐳᖅ.

ᕿᓚᒡᓗ ᓄᓇᓗ ᓄᖑᔪᒫᕐᐴᒃ, ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

“ᐅᓪᓗᑉ ᑕᒪᑐᒪ ᓇᓪᓕᐅᓐᓂᖓ ᐃᑲᕐᕋᕐᓘᓐᓃᑦ ᓇᓪᓕᐊᓐᓄᑦ ᖃᐅᔨᒪᔭᐅᓐᖏᓚᖅ, ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᐅᑉ ᑭᓯᒥ ᖃᐅᔨᒪᕚ.

ᐅᓇᑕᕐᑐᓂᒃ ᑐᓵᓕᕈᑦᓯ ᐅᓇᑕᕐᑐᓪᓗ ᐅᓂᒃᑲᐅᓯᐅᓂᖏᓐᓂᒃ ᑐᓴᕐᑎᑕᐅᒍᑦᓯ, ᑲᑉᐱᐊᓱᖕᓂᐊᕋᓯ; ᑕᒪᒃᑯᐊ ᓇᓪᓕᐅᑎᔭᕆᐊᖃᕐᒪᑕ, ᓯᓚᕐᔫᑉ ᓇᒡᒐᑖ ᓱᓕ ᓇᓪᓕᐅᑎᓐᖏᓚᖅ.

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐃᒡᓘᑉ ᐊᖓᔪᖅᑳᖓᑕ ᑎᑭᕝᕕᒋᓂᐊᕐᑕᖓ ᖃᐅᔨᒪᖏᓐᓇᑦᓯᐅᒃ, ᐅᓐᓄᒃᑯᑦ ᑎᑭᑐᐃᓐᓇᕆᐊᖃᕐᒪᑦ, ᐅᕝᕙᓗ ᐅᓐᓄᐊᓪᓗᐊᒃᑯᑦ ᑎᑭᑐᐃᓐᓇᕆᐊᖃᕐᓗᓂ, ᐅᕝᕙᓗ ᖃᐅᒻᒪᓕᕐᑎᓪᓗᒍ ᐊᖑᑎᕕᐊᑉ ᓂᓪᓕᕐᕕᖓᓂ, ᐅᕝᕙᓗ ᐅᓪᓛᓐᖑᕐᑎᓪᓗᒍ. ᑕᕝᕔᓐᓇᖅ ᑎᑭᑲᓪᓚᒃᐸᑦ ᓯᓂᒃᑎᓪᓗᓯ ᑎᑭᑕᐅᖁᓇᓯ. ᐃᓕᑦᓯᓐᓄᑦ ᐅᖃᐅᓯᕆᔭᕋ ᑕᒤᓐᓄᑦ ᐅᖃᕐᐸᕋ: ᐃᖅᑯᒪᑦᑎᐊᕆᑦᓯ.”

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᑦ ᐅᓇᑕᕈᒫᕐᐳᑦ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ; ᓄᓇᒥ ᓇᓂᑐᐃᓐᓇᖅ ᓴᔪᒃᐱᓪᓚᖃᑦᑕᕈᒫᕐᐳᖅ, ᑳᖕᓇᕐᑐᕐᔪᐊᖃᖃᑦᑕᕐᓗᓂᓗ; ᑕᒪᒃᑯᐊ ᑕᕝᕙ ᐃᕐᓂᓱᒃᑑᑉ ᐃᒃᐱᖕᓂᐊᓕᕐᓂᖓᑐᑦ ᐱᒋᐊᕐᐸᓪᓕᐊᓕᕐᑐᑦ.

ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᖅᑳᕆᐊᖃᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.

ᐊᒥᓱᑦ ᐊᑎᓐᓂ ᐅᕙᖓᐅᓂᕋᕐᓗᑎᑦ ᑎᑭᑦᓱᒫᕐᒪᑕ ᐅᖃᕐᓗᑎᒃ, ‘ᑖᓐᓇᐅᕗᖓ!’ ᐊᒥᓱᑦ ᐅᐃᕖᕐᕆᔪᒫᕐᐰᑦ.

“ᐃᓕᑦᓯ ᓇᖕᒥᓂᖅ ᖃᐅᔨᓴᕆᑦᓯ; ᑎᒍᔭᐅᔪᒫᕐᐳᓯ ᐃᖅᑲᕐᑐᐃᕕᖕᒧᑦ ᐱᑎᑕᐅᓗᓯ; ᐋᓐᓂᕐᓯᕐᑕᐅᔪᒫᕐᐳᓯ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ; ᐋᑕᐅᔪᒫᕐᐳᓯ ᐊᐅᓚᑦᓯᔨᓄᑦ ᐊᖓᔪᖅᑳᕐᔪᐊᓄᓪᓗ ᓇᖏᖁᓪᓗᓯ ᓵᖏᓐᓂ ᐅᕙᖓ ᐱᑦᔪᑎᒋᓗᖓ, ᓇᓗᓁᕐᓯᔪᓐᓇᖁᓪᓗᓯ ᑖᒃᑯᓄᖓ.

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

“ᐅᓪᓗᐃᑦ ᑖᒃᑯᐊ ᑲᑉᐱᐊᓇᕐᑐᑦ ᑭᖑᕐᖓᑦᑎᒍᑦ, ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᖃᐅᒪᔪᓐᓃᕈᒫᕐᐳᖅ, ᐅᓪᓗᕆᐊᓪᓗ ᕿᓚᖕᒥᑦ ᑲᑕᒐᕈᒫᕐᐳᑦ, ᕿᓚᖕᒥ ᐱᔪᓐᓇᕐᓃᑦ ᐊᐅᓚᑎᑕᐅᔪᒫᕐᐳᑦ.