Popular Bible Verses from ᐃᔅᑕᐅᑉ ᐊᒡᓚᖏᑦ 6

Share

ᑕᒪᑐᒪᓂᓕ ᐅᓐᓄᐊᒥ ᐊᖓᔪᖅᑳᕐᔪᐊᖅ ᓯᓂᒍᓐᓁᓪᓕᕗᖅ; ᑕᕝᕙ ᑎᓕᓯᕗᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᓯᒪᔪᑦ ᑕᕝᕗᓐᖓᕐᑕᐅᓗᑎᒃ ᐊᑐᐊᕐᑕᐅᖁᓪᓗᒋᑦ; ᑕᕝᕙ ᐊᑐᐊᕐᑕᐅᓕᕐᐳᑦ ᐊᖓᔪᖅᑳᕐᔪᐊᕐᒧᑦ. ᑕᕝᕙᓂᓗ ᑎᑎᕋᕐᓯᒪᔪᓂᒃ ᓇᓂᓯᔪᖃᕐᐳᖅ ᒧᐊᑎᑬᑉ ᐅᖃᐅᓯᖃᕐᓂᕆᓚᐅᕐᑕᖓᓂᒃ ᐊᖓᔪᖅᑳᕐᔪᐊᑉ ᐃᒡᓗᒥᓂ ᐱᔨᒋᔭᖏᒃ, ᐱᒡᑖᓇ ᑎᕆᔅᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐃᑎᕐᑕᕐᕕᖕᒥ ᑲᒪᔨᐅᕙᒃᑑᒃ, ᐊᖓᔪᖅᑳᕐᔪᐊᕐᒥᒃ ᐊᕼᐊᓱᐃᕋᔅᒥᒃ ᑐᖁᑦᓯᔪᒪᓚᐅᕐᓂᖏᖕᓂᒃ.

ᑕᕝᕙ ᕼᐂᒪᓂ ᐃᑎᕐᐳᖅ, ᐊᖓᔪᖅᑳᕐᔪᐊᓪᓗ ᐊᐱᕆᕚ, “ᐊᖑᑦ ᖃᓄᐃᓕᐅᑕᐅᔪᓐᓇᕋᔭᕐᐹ ᐊᖓᔪᖅᑳᕐᔪᐊᑉ ᖁᕕᐊᒋᓗᓂᐅᒃ ᐅᐱᓐᓇᕐᓯᑎᒐᔭᕐᑕᖓ?” ᕼᐂᒪᓂᓕ ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᐊᖓᔪᖅᑳᕐᔪᐊᖅ ᐅᐱᒋᔭᒃᓴᖃᕐᓂᕐᓴᐅᔪᓐᓇᕐᐹ ᐊᓯᓐᓂᒃ.”

ᑕᕝᕙ ᐊᖓᔪᖅᑳᕐᔪᐊᖅ ᕼᐂᒪᓂᒧᑦ ᐅᖃᕐᐳᖅ: “ᑐᐊᕕᕐᓗᑎᑦ ᐅᓕᒡᔪᐊᕋ ᕿᒻᒥᕐᔪᐊᕋᓗ ᐂᓕᒃᑭᑦ, ᑍᒫᒃ ᐅᖃᓚᐅᕋᕕᑦ, ᒧᐊᑎᑬᓗ ᔫᑎᐅᔪᖅ ᑍᒤᓕᐅᕐᕕᒋᓕᕈᒃ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᐊᓂ ᐃᒃᓯᕙᔪᖅ. ᐅᖃᐅᓯᕆᔭᑎᑦ ᐊᑐᑦᓯᐊᕐᓂᐊᕐᐸᑎᑦ ᓇᓪᓕᐊᓐᓂᒡᓘᓐᓃᑦ ᐊᑐᓐᖏᑕᖃᖏᓪᓗᑎᑦ.”