Popular Bible Verses from ᐃᓕᓯᒪᓃᑦ ᐃᒃᓖᓯᐊᓯᑏᔅ 7

Share

ᐊᓂᕐᓃᑦ ᑐᐊᕕᕐᑎᓐᓂᐊᕐᓇᒍ ᓂᓐᖓᖕᓂᕐᒧᑦ, ᓂᖓᐅᒪᓂᖅ ᐃᓂᖃᕐᒪᑦ ᓯᓔᑦᑐᑦ ᓈᖏᓐᓂ.

ᐅᓪᓗᒥᒃ ᐊᔪᕐᓴᖏᑦᓯᐊᕐᓇᕐᑐᖃᕐᐸᑦ ᖁᕕᐊᓱᒋᑦ, ᓇᓪᓕᐅᑎᔪᓪᓕ ᐊᒃᓱᕈᕐᓇᕐᐸᑕ ᐃᒫᒃ ᐃᓱᒪᒋᑦ: ᒎᑎ ᐆᒥᖓ ᓴᓇᓯᒪᕗᖅ ᐊᒻᒪᓗ ᐊᓯᐊᓂᒃ, ᐃᓄᒃ ᓱᓇᒥᒃ ᖃᐅᔨᖁᓇᒍ ᑭᖑᓂᕐᒥᓂ ᖃᓄᐃᑦᑐᖃᕈᒫᕐᒪᖔᑦ.

ᓱᓇᑐᐃᓐᓁᑦ ᐃᓱᓕᓐᓂᖓᑦ ᐱᐅᓂᕐᓴᐅᕗᖅ ᐱᒋᐊᓕᓵᕐᓂᕐᒥᑦ, ᕿᓄᐃᓵᕐᑐᖅ ᐊᓂᕐᓂᖅ ᐱᐅᓂᕐᓴᐅᕗᖅ ᐱᐅᔪᕆᔪᒥᑦ ᐊᓂᕐᓂᕐᒥᑦ.

ᐃᓄᖕᒥᒃ ᐃᓱᐊᕐᑐᒥᒃ ᓄᓇᒥ ᐱᑕᖃᖏᒻᒪᑦ ᐱᐅᔪᒥᒃ ᐱᓂᐊᕐᓂᖃᕐᑐᒥᒃ ᐊᔪᕐᑐᓕᖏᑦᑐᒥᒡᓗ.

ᓯᓚᑐᓂᖅ ᓴᐳᓐᓂᐊᕈᑎᐅᕗᖅ ᓲᕐᓗ ᑮᓇᐅᔭᖅ ᓴᐳᓐᓂᐊᕈᑎᐅᖕᒪᑦ. ᖃᐅᔨᒪᓂᐅᑉ ᐱᕚᓪᓕᕐᓇᕐᓂᖓ ᑕᕝᕙ, ᓯᓚᑐᓂᖅ ᑐᓂᓯᖕᒪᑦ ᐃᓅᓯᕐᒥᒃ ᑖᑦᓱᒥᖓ ᐱᖃᕐᑐᒧᑦ.

ᐊᑏᑦ ᐅᐱᒋᔭᐅᑦᓯᐊᕐᐸᑦ ᐱᐅᓂᕐᓴᐅᕗᖅ ᒥᖑᐊᕈᑎᒥᑦ ᐅᕐᓱᒥᑦ ᐊᑭᑐᔪᒥᑦ, ᑐᖁᓂᐅᓪᓗ ᐅᓪᓗᖓ ᐱᐅᓂᕐᓴᐅᒋᕗᖅ ᐃᕐᓂᐊᖑᕕᐅᑉ ᐅᓪᓗᖓᓂᑦ.

ᐱᐅᓂᕐᓴᐅᕗᖅ ᓯᓚᑐᔫᑉ ᓱᐊᖕᓂᖓᓂᒃ ᑐᓵᓗᓂ, ᓯᓔᑦᑑᑉ ᐃᓐᖏᕐᓂᖓᓂᒃ ᑐᓵᓂᕐᒥᑦ.

ᐃᓔᕐᓂᕐᒧᑦ ᕿᒃᓵᒃᑐᑦ ᐃᒡᓗᖓᓄᑦ ᐃᑎᕆᐊᒥᒃ ᐱᐅᓂᕐᓴᐅᕗᖅ ᓂᕆᕕᒡᔪᐊᕐᑐᑦ ᐃᒡᓗᖓᓄᑦ ᐃᑎᕐᓂᕐᒥᑦ, ᐃᓄᓕᒫᑦ ᑕᒪᑐᒥᖓ ᑐᕌᒐᖃᕐᒪᑕ, ᐃᓄᐃᓪᓗ ᐃᓅᔪᓕᒫᑦ ᐆᒻᒪᒻᒥᐅᑕᕆᕚᑦ.

ᓯᓚᑐᔫᑉ ᐆᒻᒪᑎᖓ ᐃᓂᖃᕐᐳᖅ ᐃᒡᓗᒥ ᕿᒃᓵᒡᕕᐅᔪᒥ, ᓯᓔᑦᑑᓪᓕ ᐆᒻᒪᑎᖓ ᐃᓂᖃᕐᐳᖅ ᖁᕕᐊᓚᖃᑎᒌᒃᑐᑦ ᐃᒡᓗᖓᓂ.