Popular Bible Verses from ᐊᑕᓃᑦ ᓯᕗᓪᓖᑦ 3

Share

ᑍᒤᒻᒪᑦ ᐱᔩᑦ ᑐᓂᓯᕕᒋᓚᐅᕈᒃ ᐃᓱᒪᒃᑯᑦ ᑐᑭᓯᔪᓐᓇᕐᓂᕐᒥᒃ ᐊᐅᓚᑦᓯᔪᓐᓇᖁᓪᓗᖓ ᐃᓄᖁᑎᖕᓂᒃ, ᖃᐅᔨᒪᔪᓐᓇᖁᓪᓗᖓ ᐱᐅᔪᒥᒃ ᐱᐅᖏᑦᑐᒥᒡᓗ; ᑭᓇᓖ ᐊᐅᓚᑦᓯᔪᓐᓇᕐᐸ ᐃᓄᖁᑎᖕᓂᒃ ᑍᒫᒃ ᐅᓄᕐᑐᕐᔪᐊᖑᔪᓂᒃ?”

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᒎᑎᐅᓪᓗ ᐅᖃᐅᑎᕚ, “ᕿᓄᒐᕕᑦ ᓯᓚᑐᓂᕐᒥᒃ ᐱᔪᒪᓪᓗᑎᑦ ᓈᒻᒪᓈᕐᑐᒥᒃ ᐊᐅᓚᑦᓯᔪᒪᓪᓗᑎᑦ, ᓇᖕᒥᓂᖅ ᐃᓅᑯᑖᒍᒪᓂᑐᐃᓐᓇᕐᒥᐅᖏᑦᑐᖅ, ᐅᕝᕙᓗ ᐊᒃᓱᐃᓕᔪᒪᑐᐃᓐᓇᕐᓂᐅᖏᑦᑐᒥᒃ, ᐊᑭᕋᕕᓪᓘᓐᓃᑦ ᑐᖁᑕᐅᓂᒃᓴᖏᓐᓂᒃ ᐱᔪᒪᖏᓐᓇᕕᑦ, ᕿᓄᒐᕕᓪᓕ ᐱᔪᒪᓪᓗᑎᑦ ᑐᑭᓯᐅᒪᔪᒪᓪᓗᑎᑦ ᓱᓇ ᓈᒻᒪᖕᒪᖔᑦ.

ᑐᓂᓂᐊᕐᐸᒋᑦ ᕿᓄᐊᕆᓚᐅᓐᖏᑕᕐᓂᒃ, ᐃᓅᓯᓕᒫᕐᓂ ᐊᒃᓱᐃᑦᑑᓂᕐᒥᒃ, ᐅᐱᒋᔭᐅᓂᕐᒥᒡᓗ, ᐃᓕᒃᑐᑦ ᐊᖓᔪᖅᑳᕐᔪᐊᖑᔪᒥᒃ ᐊᑦᔨᖃᕐᓂᐊᓐᖏᓚᑎᑦ ᐃᓅᓂᓕᒪᕐᓂ.

ᓈᓔᓐᓇᕈᕕᖓ ᐊᑐᕐᑕᐅᖁᔭᒃᑲᓗ ᐱᖁᔭᒃᑲᓗ ᒪᓕᒃᑯᕕᒋᑦ, ᐊᑖᑕᒃᑐᑦ ᑍᕕᑎᑐᑦ, ᑕᕝᕙ ᐅᓪᓗᑎᑦ ᐅᓄᕐᓯᒋᐊᕐᑎᓐᓂᐊᕐᐸᒃᑲ.”

ᑕᕝᕙᓂ ᒋᐱᐅᓂᒥ ᐊᑕᓂᖅ ᓴᖅᑭᑉᐳᖅ ᓲᓗᒨᓂᒧᑦ ᓯᓐᓇᒃᑑᒪᒃᑯᑦ ᐅᓐᓄᐊᒥ ᐅᖃᕐᓗᓂᓗ, “ᑐᒃᓯᐊᓚᐅᕆᑦ ᓱᓇᒥᒃ ᑐᓂᓯᕕᐅᔪᒪᖕᒪᖔᕐᐱᑦ ᐅᕙᓐᓄᑦ.”

ᒫᓐᓇᓕ, ᐊᑕᓃᖅ ᒎᑎᒐ, ᐱᔪᓐᓇᕐᑎᓯᒪᒐᕕᖓ ᐊᖓᔪᖅᑳᕐᔪᐊᖑᖁᓪᓗᖓ ᐊᑖᑕᒪ ᑍᕕᑎᐅᑉ ᐃᓂᖓᓂ, ᐃᓅᓱᒃᑑᓗᐊᕋᓗᐊᕐᑎᓪᓗᖓ; ᖃᐅᔨᒪᓇᖓᓗ ᐊᐅᓚᑦᓯᔭᕆᐊᒃᓴᖅ ᖃᓄᖅ ᐊᓂᒋᐊᒥᒃ ᖃᓄᕐᓗ ᐃᑎᕆᐊᒥᒃ.

ᐊᑕᓂᖅ ᖁᕕᐊᓱᓚᐅᕐᐳᖅ ᓲᓗᒨᓂ ᑕᒪᑐᒥᖓ ᕿᓄᐊᕆᔭᑲᕐᒪᑦ

ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᐱᔩᓪᓗ ᐃᓄᖁᑎᕕᑦ ᐊᑯᕐᖓᓐᓃᑉᐳᖅ ᓂᕈᐊᕆᓚᐅᕐᑕᕕᑦ, ᐃᓄᒋᐊᒃᑐᕐᔪᐊᑦ, ᐊᒡᓛᑦ ᐅᓄᓗᐊᕐᓂᖏᓐᓄᑦ ᓈᓴᕐᑕᐅᔪᓐᓇᖏᑦᑐᑦ.