Popular Bible Verses from Umak 9

Share

Gyo Ujeso le, “Kibang a, wo tyang ityang le, gbe mi yi le ashi mi shi mbee? Biwọm puu bi yi pie-pie ke undi angwu u yi le abọng-ale ha Unim.”

Atyam unwaa ana a gie he ungwu kaang le, “Mi bọng ha Unim, ukpọ abọng-ale ugi a dyam ye! Ha kpel mi!”

Ujeso a bo gye he afee ushọm, bendi-utung bema be ha be bii he ha he kundyel le, “Kibang a, bel li ma nya ndo ikeb ibibi ana mbee ye?” Ujeso a fan abe le, be ndo ikeb ibibi angi kitaa ana gba he akọng-ale ha Unim ufe-ufe a.

“Bendo be ngbeb, ukpọ gbe be tem nyin he ungwu ye, undi u nya sha abe na a he be be tem nyin? Ma kwu na bendo abe be nyin, he men ma kwu le ikwun ha bende.”

“Undi angwu a kpe unwa-ani angwu kitaa i he lizen ligi, ha a kpe-m mi a. Undi angwu a kpe-m, ha a kpe-m mimi a ye, a kpe Ada angwu a sọm mi ọ titi.”

Mi de men, kigyang-kigyang undi uyang-yang angwu a ke men umbwo ọ le ma ngwo le gbe ma yi bendi-utung begi mi Undi-likpan a, u ba kpa lifem kpe-kpe.”

Ujeso a de le, “Bebwaa-ni abe be bọng ha ami nyin, gbe undi a shi abe, undi ken ọ, a shi kiban, ha ki ban kaang. A shi le be kung kukọ bikuko tye tyuu undi angwu ha he umbel le tye he umbwo ukandi, ki ngbeb hwo ashi le u shi undi u shi kiban.

Gbe utọng-shi ugang na u sha-a le wo shi kiban, wo yi waa he tyang le hel. Ki ngbeb le wo gye he kiteng kusu Unim le utọng-shi ken hwo ashi le wo kwu le itọng-shi ifee gye he umọ-kinde.