Popular Bible Verses from Umak 10

Share

Mi Unwaa undi-gye ọ, mi be le he bendi be kwu ibọyi igi a ye, mi be le mi kwu ubọyi bendi a, mi mbee kung kuhwo-gi ke pọng bendi gbam.”

Ujeso a bel ashi nde be kpọ, kung de be le, “Ke undi-gye, ashin ki yi pie-pie ye, ukpọ ke Unim biwọm puu bi yi pie-pie.”

Ujeso a de-e le, “ndu gye abọng-ale agang a mbee a.” Nya kukwo-kukwo ungikye angwuna u fel nda. A gbe utung ha Ujeso.

Gbe Unim na a shi abe le be bee, undi-gye u ban abe libee ye.”

Ki ma nyin Ujeso he lityam kaang le he, a bel ashi nde-e, kung de-e le, “Kiwọm ki teng ken ashi wo shi.” A mbee de-e le, “Te le kung biwọm bigang puu ndyeb zi, kung unde hwọ ke bendi-likaa, ma wo ba kwa le kingbeb he lifung-atabe. Ma wo ha be pwọm mi.”

Ujeso a bii he le, “Kibang wo kee le mi shi ka-a?” Uhwọ-ashi ana a fan he le, “Itisha ukandi, mi kee le mi fel nda.”

Ukpọ men ma shi na ye. Undi he liwu limen angwu a kee le u kwa ukandi, u bel fel ubọyi bendi abe be teng.

Mi de men, ki yi faale ifung le undi uyang-yang angwu a kpe kiteng kusu Unim na unwaan a ye, u ha ndu ngwee ha ye.”

Bendi gbam abe be yi ukpi-kikwu kanaa-anaa i nyin, be ba fel umbee-likel, abe be yi umbee-likel kanaa-anaa i, be be fel ukpi-kikwu.”

Be ma fee he kushia Unim le, ‘Le ha linde-linde he kunyọng ahwu Unim a ma mbe igye anyin, a mbe ungikye le ungingye. He atan-lengi angwun ungikye u tyang atyam le anam ba gwaa ha ungye-ma. Bendi bemen befee ana be fel nya ana undi ken a.’ Be tem yi bendi befee a ye, be fel undi ken a.