Popular Bible Verses from Umak 13

Share

Bendi puu be ba tel amen he kuhwo kugi. Ukpọ undi angwu a be ngyọ naa gen fe Unim le wu he umbee-likel u ba kwa le likpan kunyọng.”

Ma nde le ma kam kuhwo-men, ma kwu le kakang le gbe ma ngye kunyọng ahwu biwọm abin bi be shi ye.

He kunyọng ahwu be kwu amen gye le men he kipi be maa ushe, ma waa ufung gbe le ashi ma le kọng ye, Ukatia Kunyọng na u be de men ashi ma kọng.

Lifung-atabe le igye bi ba mbee. Ukpọ igie igi ife i ha ndu mbee ye, i kwa ngyọ igye kpam.”

“Ki yi le undi angwu a ngye liti ọ, nyọng u ngye kunyọng ahwu biwọm abin bi be shi ye. Idengel angi he lifung-atabe ọ, mi Unwaa ọ, li ngye ye. Atyagi ufe-ufe na a ngye liti limen ana.

Ma ba gyo bekye abe kpee-kpee ha amen, ma gyo gbe le abe kigbe-kigbe. Ha he kunyọng kumen ana, ma shel ye. Ki yi kpe-kpe le abin bi shi, ukpọ umbee-likel igye anyin a wa fel ye.

“Men ma kwu le kakang likọye ma ngye kunyọng ahwu mi ugyang usha-ale, mi be be ye. Pisoye mi ba ba le likwu-lukwu a, pisoye le kididyan kusu a, pisoye he ashi liti a, pisoye le-iti a. Ma baa teng mi ba imbul-imbul nda amen ma sha ashi mi kee a ye. Ashi mi de men i, mi de bendi puu a le ma kwu le kakang.”

Abọng-abọng a ba ndo ha bende, lishi-lishi li be ndo ha bende. Isun i ba kwuo mbee bipi, itung i be ndo bendi kaang. Abin puu bi ba kwa kanwaa kingie nya ana ukpi-kikwu uzwaa a.

Ki yi kpe-kpe le bendi be ba bun kisọm kinunung da bendi he abọng puu.

Bendi gbam be ba ba he lizen ligi, da le be yi Ujeso Kristi a, he be fe bendi gbam umbeb.

“Men ma kwu le kakang, be ba kwa amen la ka bekandi kubọng, bendi be ba kwa amen la ka bekandi he be be maa amen ushe. Be ba kpam amen ikwun he ishọm Unim angi be kwu awu. He kuhwo kugi be ba la ko amen ushe ha bifaa-ukwob le besu he ma naa ushada ugi.

Bendi gbam abe be ko kuhwobel le Ukristi le bitye-ugie iman be ba sha bitaa le bikwole-kuhwo gbe ki yi abe pie-pie be be lam bendi abe Unim a waa kung.

“Kung le he liti angi bingie bimen ana bi mbee, “ ‘libwee li ba gya kifufeb, kufel ku tem be taa ye. Ikpen i ba mbwa le he kusi ba he itang. Biwọm puu abi bi yi he lifung-atabe bi ba nyung he abwo.’