Popular Bible Verses from Umak 12

Share

Ujeso a de-e le, “Uten angwun na a dyam hwo puu, ‘Bendi Izwel, ma gyo. Ada Unim ufe-ufe na u kee-kee yi Atya-tyan. Ki nyin a le Ada Unim le lityam ligang puu, le kunyọng kugang puu, le ugim ugang puu, le ikeb igang puu.’ Uten angwun na a pwọm le he, ‘Ki nyin a le unde-gang na ki nyin a le kuhwo-gang.’ Ki yi le uten angwu a dyam hwo angi ifee i ye.”

Ujeso a ha ko bendi-utung bema be he kiteng ken, kung de be le, “Mi de men kigyang le, ungye-uhwuu angwu u yi likaa-likaa i, a ke hwo bendi abe be teng puu. Bendi abe be teng be gia igia be ke, ukpọ undi-likaa angwun a kung kiwọm ashi u yi le shi puu a be ke. A tem teng le ashi u ndyeb lizi zi ye.”

Ujeso a ma yi kwu gwaa ha kigbọ ashi be fe unde he Ushọm Unim. A nde na bendi be be le unde fe ha. Bendi-kingbeb gbam be fe unde ha kyoo. Ungye-uhwuu ken angwu a mbu likaa, a ha be le ideli ifee fe ha.

Ki yi le ki nyin undi le Unim le lityam lima puu, le ugim uma puu, le ikeb ima puu, ki nyin he le undema na ki nyin he le kuhwo-ma. Ki ngbeb le undi u ndọ Iten anyin hwo ashi le u be le kitaa kiwọm kiyang-yang be ting-shi kinde ke Unim, u shang he.”

Ujeso a ha de be le, “ashi ki yi ashi Usiza, ma kung ke Usiza, ashi ki yi ashi Unim, ma kung ke Unim.” Ki ma kwu abe he kuhwo kaang gbe le Ujeso.